Kelesi jyly elimizge 3-4 jolbarys jetkiziledi
ASTANA. KAZINFORM - Kelesi jyly elimizge birneshe kertaǵy men jolbarys jetkizilmek. Bul týraly jyl qorytyndysyna oraı BAQ ókilderine arnalǵan brıfıngide Ekologııa jáne tabıǵı resýrstar mınıstri Erlan Nysanbaev aıtty.
- Sonymen birge, bıoalýantúrlilikti saqtaý baǵytyndaǵy jumystardy kúsheıtýdemiz. Bıyl tıisti Tujyrymdamany bekitý josparlanýda. Jalpy alǵanda elimizde sırek kezdesetin janýarlar túrleri: arqar, jeıran, qulan jáne toǵaı buǵysynyń sany artyp keledi, - dedi ol.
Mınıstr Turan jolbarysy men Kertaǵy (Prjevalskıı) jylqysyn qaıta jersindirý boıynsha aýqymdy jobalar júrgizilip jatqanyn aıtty.
- Praga zoobaǵymen birlesip, 2024-2025 jyldary 14 Kertaǵy jylqysy elimizge jetkizildi, 2026 jyldyń maýsym aıynda taǵy da 7–8 jylqyny ákelý josparlanyp otyr. Reseı Federatsııasymen ýaǵdalastyq boıynsha Jolbarysty qaıta jersindirý baǵdarlamasy júzege asyrylyp jatyr. 2026 jyly 3–4 jolbarys ákelý josparlanyp otyr, - dedi Erlan Nysanbaev.
Aıta keteıik, Amýr jolbarysyn Qazaqstan tabıǵatyna beıimdeý jospary qabyldandy.