Kelesi «Ortalyq Azııa – Japonııa» sammıti Qazaqstanda ótedi

ACTANA. KAZINFORM – Bul formattaǵy tóraǵalyq endi Qazaqstan tarapyna ótti. Bul týraly Aqordanyń baspasóz qyzmeti habarlady.

Ortalyq Azııa memleketteri basshylary men Japonııa Premer-mınıstri kelesi sammıti Qazaqstanda ótkizýge kelisti.

Aıta keteıik, 17 jeltoqsan kúni Qasym-Jomart Toqaev Japonııaǵa resmı saparmen bardy.

Qazaqstan Prezıdentin Tokıo qalasynyń Haneda halyqaralyq áýejaıynda Japonııanyń memlekettik syrtqy ister mınıstri Aıano Kýnımıtsý qarsy aldy.

Al 18 jeltoqsan kúni Prezıdent Qasym-Jomart Toqaevtyń qurmetine Imperator Narýhıtonyń atynan resmı qabyldaý ótti.

Prezıdent Qasym-Jomart Toqaev qazirgi ýaqytta Japonııada bilim alyp, túrli salada qyzmet etip júrgen Qazaqstan azamattarymen kezdesti.

Memleket basshysy Japonııa sııaqty damyǵan eldiń tájirıbesin zerdeleý mańyzdy ekenin aıtty.

Sondaı-aq Qazaqstan Prezıdenti Japonııa Premer-mınıstriniń atynan Ortalyq Azııa elderi basshylarynyń qurmetine arnalǵan resmı qabyldaýǵa qatysý úshin Akasaka memlekettik saraıyna barǵan bolatyn.

Prezıdent Qasym-Jomart Toqaev «Ortalyq Azııa – Japonııa» dıalogynyń birinshi sammıtinde sóz sóıledi.