Keler jyly salyq túsimi tolyq jınala ma
Eger bıznestiń damý qarqyny tómendeıtin bolsa, salyq túsimderiniń qajetti kólemi qalaı qamtamasyz etiledi? Qosylǵan qun salyǵy bıýdjetke salyq túsimderi máselesin sheshýge qanshalyqty kómektesedi? Senat tóraǵasy Máýlen Áshimbaev palata otyrysynda 2024-2026 jyldarǵa arnalǵan respýblıkalyq bıýdjet týraly zańdardy qaraý barysynda osy jáne basqa da suraqtarǵa jaýap berýdi talap etti, dep habarlaıdy Kazinform.
Senat tóraǵasy qarasha aıynyń basyna josparlanǵan 11 trln teńge salyqtyń nebári 9,6 trln teńgesi jınalǵanyna nazar aýdardy. ıAǵnı, ol atap ótkendeı, 1,4 trln teńge «mınýsqa» ketip otyrmyz.
«Bıyl shamamen 14 trıllıon salyq túsimi josparlanǵan edi. Árıne, naqty kórsetkish tómen bolýy múmkin. Osy jaǵdaıda kelesi jylǵa, 2024 jyldyń bıýdjetine biz shamamen 16 trıllıon teńge kóleminde salyq túsimin salamyz. ıAǵnı, bul óte mańyzdy ósim bolyp otyr. Salyqty ákimshilendirý salyqtyń bir bóligin qamtamasyz etýge tıis. Biraq salyq túsimderin taǵy qalaı qamtamasyz etý josparlanyp otyr? Bizdiń oıymyzsha, sizdiń jaýabyńyzda ol salyqty kóterý arqyly bolady. Qazir osy týraly aıtylyp otyr. Biraq bıýdjetke salyq túsimderi máselesin sheshýge qosylǵan qun salyǵynyń ósimi qanshalyqty kómektesedi? Osyǵan baılanysty sizde 2024 jylǵy bıýdjetke 16 trıllıon teńge kóleminde salyq túsimderin qamtamasyz etýge baılanysty qandaı da bir pysyqtalǵan ustanymdar bar ma? Bul qalaı qamtamasyz etiledi?» – dep surady Máýlen Áshimbaev.
Óz kezegin Premer-Mınıstrdiń orynbasary – Qarjy mınıstri Erulan Jamaýbaev bıyl 14,6 trln teńge jınaý josparlanǵanyn aıtty.
«Degenmen 13,2 trln teńge tolyǵymen salyq túsimderden jınalady jáne salyq salasyna jatpaıtyn túsimderden qalǵan bóligi jabylady... 2024 jylǵy 16 trln teńgege toqtalsaq, bul rette ekonomıkanyń ósýimen baılanystyryp otyrmyz. Ekonomıkanyń barlyq salalary ósedi. Salyq jáne kedendik ákimshilendirýden jylyna keminde 800 mlrd teńgege deıin alyp otyrmyz. Atap aıtqanda, qosylǵan qun salyǵy keler jyly qabyldanbaıdy. Sebebi ol norma áli de talqylanyp jatyr. Sondyqtan jańa Salyq kodeksi aıasynda qarastyrylyp otyr, ıaǵnı 2025 jyldan bastap iske asyrylmaq. Keler jyly salyq túsimderin tolyqtaı qamtamasyz etemiz degen senimdemiz», - dedi Qarjy mınıstri.
