KEGOC kompanııasy bıyl SPO-ǵa shyǵýǵa daıyn – Samuryq Qazyna

ASTANA. QazAqparat – Naryq KEGOC kompanııasy damytý perspektıvalaryna saı keletin baǵa usynýǵa daıyn bolsa, kompanııa bıyl SPO-ǵa shyǵady. Bul týraly «Samuryq-Qazyna» ál-aýqat qory damý jáne jekeshelendirý jónindegi basqarýshy dırektory Ernar Janádil málim etti, dep habarlaıdy QazAqparat tilshisi.

«Bizdiń elektr jelilerimizdiń operatory KEGOC kompanııasy SPO-ǵa shyǵýǵa daıyn. Jaqynda zańnamaǵa tıisti ózgerister engizildi. Eger naryq jańa tarıfterdi jáne jańa óndirýshi qýatty engizý aıasynda elektr energııasyn tasymaldaý kóleminiń ósýimen sanasa otyryp, kompanııanyń ósý perspektıvalaryn eskeretin baǵany usynýǵa daıyn bolsa, onda biz osy jyldyń ózinde SPO-ǵa shyǵatynymyzǵa senimdimin», - dedi Ernar Janádil Astana Finance Days konferentsııasynda.

Onyń aıtýynsha, KEGOC kompanııasynyń bastapqy aktsııalary IPO-ǵa 2014 jyly shyǵaryldy.

«Naryqqa kompanııanyń 10% aktsııasy shyqty. Qalǵan 90% aktsııa «Samuryq-Qazynada» qalady. Qaıtalama ornalastyrý (SPO) naryqqa aktsııa qosymsha kólemin shyǵarýǵa jáne sáıkesinshe ótimdilik kórsetkishterin jaqsartýǵa múmkindik beredi», - deıdi ol.

Buǵan deıin habarlaǵanymyzdaı, Air Astana kelesi jyly IPO-ǵa shyǵady.