KEGOC eldegi energııa tapshylyǵy jaǵdaıyna túsinikteme berdi
«Keıingi kezde BAQ-ta Qazaqstannyń energııa júıesindegi jaǵdaı boıynsha túrli materıaldar, onyń ishinde qate aqparaty bar materıaldar jarııalanyp jatyr. Qazaqstan Respýblıkasy birtutas elektr energetıkalyq júıesiniń júıelik operatory «KEGOC» AQ osyǵan baılanysty kelesini habarlaıdy», - delingen resmı málimdemede. Aktsıonerlik qoǵamnyń saıtyndaǵy málimetke súıensek, 10 qarashadaǵy jaǵdaı boıynsha Qazaqstanda elektr qýatyn tutyný kólemi 14 838 MVt, óndirý kólemi 14 265 MVt bolǵan. ıAǵnı, tapshylyq 573 MVt bolyp otyr. Onyń orny Reseı Federatsııasynyń energııa júıesinen keletin aǵyndarmen toltyrylǵan. «Jyl basynan beri kómir elektr stantsııalaryndaǵy elektr óndirý kólemi 66,9 mlrd kVt/caǵat bolǵan. Bul elde óndiriletin búkil elektr energııasynyń 69%-y degen sóz. Gaz elektr stantsııalary 18,9 mlrd kVt/caǵat nemese 19,5%, sý elektr stantsııalary 7,4 mlrd kVt/caǵat nemese 8%, jel elektr keshenderi 3,6 mlrd kVt/caǵat (shamamen 3,5%) óndirdi. 27 qarashada Ekibastuz GRES-2 nysanyndaǵy qýaty 500 MVt bolatyn №2 energetıkalyq blokta jóndeý jumystary aıaqtalady. 11 qarashada Ekibastuz GRES-1 nysanyndaǵy qýaty 500 MVt bolatyn №7 energoblokta josparly jóndeý aıaqtaldy. «EEK» AQ elektr stantsııasyndaǵy №4 blok ta josparly jóndeýde tur. Ondaǵy týrbına men bir qazandyq 12 qarashada jóndelip bitedi», - dep jazylǵan kompanııanyń resmı saıtynda. Kompanııanyń esebi boıynsha, atalǵan nysandardyń jelige qosylýy eldegi elektr energııasyn óndirý múmkindigin aıtarlyqtaı arttyrady. «8 qarashada Moınaq sý elektr stantsııasyna sýdyń qajetti deńgeıi jınaqtalyp, qosymsha 300 MVt qýat iske qosyldy. Budan bólek jalpy jıyntyq qýaty 1150 MVt bolatyn dergilikti kózder avarııalyq jóndeýde tur», - delingen resmı málimdemede. Qarasha aıynan bastap «Shyǵysenergotreıd» JShS, «Sevkazenergo» AQ, «Astanaenergosbyt» JShS, «Energopotok» JShS sııaqty jergilikti kompanııalarda elektr ajyratylsa, bul aqaýdyń jelilerdi kelisimsharttan tys paıdalanýdan týyndaǵanyn habarlaımyz. Kelisimsharttan tys paıdalanýdy shekteý úshin QR Úkimetimen birlesip, júıeli sharalar qabyldanýda. 11 qarashadaǵy jaǵdaı boıynsha Jambyl GRES-inde qýaty 200 MVt bolatyn qosymsha energııa blogy iske qosyldy», - dep jazady kompanııanyń saıty. Sondaı-aq, resmı málimdemede tutynýshylardy elektr energııasymen qamtamasyz etý úshin Reseı Federatsııasynan elektr ımporttalyp jatqany aıtylǵan. «Zańnama talaptary boıynsha, maınıng-fermalar óz qyzmetin eldiń energetıkalyq qaýipsizdigine zııan keltirmesten júzege asyrýy kerek. Tipti sol úshin ımporttalǵan elektr energııasyn da satyp alýy qajet. «Kóleńkedegi» maınıng-fermalardy anyqtaý úshin sala sýbektilerine qoıylatyn talaptardy normatıvtik-quqyqtyq bazamen bekitý kerek. Bizdiń baǵalaýymyz boıynsha, tirkelgen maınıng-fermalar shamamen 600 MVt elektr energııasyn tutynyp otyr. Al «kóleńkedegi» maınıng-fermalardyń qajettiligi 300-400 MVt bolady. Kúz-qys maýsymynda eń joǵary júkteme 17 000 MVt bolýy múmkin. Al eldegi energııa generatsııalaý júıesiniń múmkindigi 16 540 MVt bolady dep kútilýde. 540 MVt tapshylyq Reseıden keletin ımport esebinen óteledi», - delingen resmı málimette.
Eske salsaq, buǵan deıin Qazaqstanda elektr energııasy tapshylyǵyna qatysty máselege QR Energetıka mınıstriniń birinshi orynbasary Murat Jórebekov jaýap berdi. Túrkistan oblysynda elektr energııasynyń tapshylyǵy tirkeldi.
Al Qyzylorda oblysynda elektr energııasyna baılanysty shekteý toqtatylady.
