Keden odaǵy basqa elder úshin de ashyq ashyq jáne oǵan kirý árbir memlekettiń táýelsiz tańdaýy - EýrAzEQ bas hatshysy Taıyr Mansurov
Bul týraly búgin Eýrazııalyq ekonomıkalyq qaýymdastyqtyń Bas hatshysy Taıyr Mansurov «Jańa onjyldyq:bolashaqtar men talaptar» atty taqyryptaǵy ІV Astanalyq Ekonomıkalyq forýmy aıasyndaǵy paneldik sessııa barysynda aıtty.
Bas hatshynyń atap ótýinshe, qazirgi ýaqytta Qyrǵyzstan bul uıymǵa qosylýǵa nıet tanytyp otyr. Sonymen qatar ol Tájikstan jáne basqa da memleketterdiń Keden odaǵy men Biryńǵaı ekonomıkalyq keńistikti ózderiniń damýynyń baǵyty retinde aıqyndaýǵa nıet tanytatyndyǵyna senim bildirdi. Degenmen bul oraıda T.Mansurov Keden odaǵyna kirý árbir memlekettiń táýelsiz tańdaýy ekendigin basa aıtty.
«Biz bul ıntegratsııalyq qurylymǵa múshelikke ótý jańa qatysýshylarǵa tek qana ekonomıka salasynda ǵana emes, odan da bólek problemalardy sheshýge múmkindik beredi», - dedi ol.
Onyń paıymdaýynsha, aldaǵy besjyldyqta Keden odaǵy aıasynda úsh eldiń úkimetteri qol qoıýy tıis 13 halyqaralyq qujatty, sondaı-aq biryńǵaı ekonomıkalyq keńistik aıasyndaǵy qozǵalystyń tıimdiligin qamtamasyz etetin 42 túrli qujatty ázirlep, qabyldaýy qajet.
