QDB bıyl «jasyl» energetıka salasyndaǵy jańa jobalardy qarjylandyrady

NUR-SULTAN. QazAqparat – Qazaqstannyń Damý banki 2021 jyly jańartylatyn energııa kózderi (JEK) salasyndaǵy jańa jobalardy qarjylandyrýdy josparlap otyr. Bul týraly bank tóraǵasynyń orynbasary Dýman Áýbákirov málim etti, dep habarlaıdy QazAqparat tilshisi.

«Bank qazirdiń ózinde balamaly energııa kózderi boıynsha birneshe kezeńdegi jobalardy júzege asyrýda. Bıyl Almaty oblysynda Kaskad sý elektr stansasynyń, Qaraǵandy oblysynda, Shyǵys Qazaqstan jáne Almaty oblystarynyń shekarasynda ornalasqan kún elektr stansasynyń jobalaryn iske asyrý josparlanyp otyr. Sonymen qatar jel elektr stantsııasyn salynady», - dedi Dýman Áýbákirov OKQ-daǵy onlaın brıfıng barysynda.

Onyń aıtýynsha, jobalardyń óndiristik qýaty 200 MVt-qa josparlanǵan. Sonymen birge jobalardyń jalpy somasy shamamen 80 mlrd teńgege jetedi.

«Bul - biz maquldaýdy jáne qarjylandyrýdy josparlap otyrǵan jobalar. Eger valıýta týraly aıtar bolsaq, onda Qazaqstannyń Damý banki ınfraqurylymdyq jobalardy tek teńgemen qarastyrady», - dep atap ótti Dýman Áýbákirov.