Kcell uıaly baılanysynan aqaý shyǵyp, ınternet nasharlady

ASTANA. KAZINFORM – Tańerteń Activ jáne Kcell uıaly baılanysyn qoldanatyn abonentterde ınternet problemasy baıqaldy. Kcell kompanııasy atalǵan jaıtqa qatysty túsinik berdi.

- Tańerteń kompanııa jelisinde keıbir abonenttiń ınternetke qosylý jyldamdyǵynyń tómendeýi tirkeldi. Bul jaǵdaı jabdyqtyń tehnıkalyq aqaýy saldarynan bolǵan. Kompanııa mamandary dereý qalpyna keltirý jumystaryn júrgizip, shuǵyl túrde telekommýnıkatsııalyq jabdyq óndirýshiniń sarapshylaryn tarta otyryp, máseleni birlese sheshti. Qazir barlyq qyzmet shtattyq rejımde jumys istep tur, ınternet jyldamdyǵy tolyq qalpyna keltirildi, - delingen habarlamada.

Sondaı-aq Kcell kompanııasy baılanys nasharlaǵan barlyq abonentke bonýs esepteletinin habarlady.

Aıta ketsek, bul birinshi jaǵdaı emes jazda Activ jáne Kcell uıaly baılanysynan aqaý shyqty.

Eske sala keteıik, Kcell kompanııasy byltyr muǵalimder ınternet izdep ábigerge túsken aýyldaǵy jaǵdaıdy túsindirgen edi.