QBTÝ-daǵy órt. Oqıǵa ornynda jedel shtab quryldy

ALMATY. KAZINFORM — TJM komandalyq ortalyǵy órtti sóndirý úshin qyzmetkerler men tehnıkany kóbeıtýdi tapsyrdy.

— 2025 jyldyń 11 qańtarynda Almaty qalasy TJD qyzmetkerleri órttiń joǵary 3-shi dárejesi boıynsha Qazaq-brıtan tehnıkalyq ýnıversıtetinde jumys istep jatyr. Órt sóndirý jumystaryna obektiniń qurylymdyq ereksheligi qıyndyq týdyrýda, nysan 5 qabatty. Qazirgi ýaqytta 3 avtobaspaldaq qoldanyldy, ot áli oqshaýlanǵan joq, — dedi Almaty qalasy TJD bastyǵynyń orynbasary Baǵdat Chaızada.

Qazir oqıǵa ornynda jedel shtab quryldy. TJM komandalyq ortalyǵy órtti sóndirý úshin qyzmetkerler men tehnıkany kóbeıtýdi tapsyrdy. Qazirgi ýaqytta órtti sóndirýge Almaty TJD 78 qutqarýshysy men 28 tehnıkasy jumyldyrylǵan.

Eske salsaq, qazirgi ýaqytta Almatyda ornalasqan Qazaq-brıtan tehnıkalyq ýnıversıteti órtenip jatqanyn jazǵan edik.