QazUÝ-dyń ǵylymı keńesinde Prezıdent Joldaýy talqylandy
Memleket basshysynyń mańyzdy jáne naqty tapsyrmalary, eń aldymen, daǵdarysqa qarsy jáne daǵdarystan keıingi sharalardy iske asyrýǵa jáne halyqtyń ál-aýqatynyń deńgeıin arttyrýǵa baǵyttalǵan. QazUÝ rektory, akademık Ǵalym Mutanov Joldaýda Prezıdent ekonomıkany odan ári ártaraptandyrýǵa, básekelestikti arttyrýǵa, shaǵyn jáne orta bıznesti damytýǵa, pandemııanyń qıyn kezeńinde halyqqa qajetti qýatty áleýmettik qoldaýǵa erekshe nazar aýdarǵanyn atap ótti.
Ol bilim, ǵylym jáne densaýlyq saqtaý salasyn qoldaý arqyly adamı kapıtaldyń sapaly ósýi Prezıdenttiń jiti nazarynda ekenin atap ótti. Pandemııanyń taralýy jaǵdaıynda bilim berý júıesiniń aldyna mańyzdy mindetter qoıylýda. Prezıdent úzdiksiz bilim berý tujyrymdamasyn ázirleýdi, oqytýdyń balama nusqalaryn belsendi engizýdi jáne kásibı daǵdylardy sertıfıkattaýdy, joǵary oqý oryndarynyń mamandardy daıarlaý sapasyna jaýapkershiligin arttyrýdy tapsyrdy. QazUÝ basshysy osyǵan baılanysty ýnıversıtet tarapynan qurylǵan moocs.kz ashyq bilim berý platformasyn halyqaralyq básekege qabiletti sapaly ári jańa deńgeıge kóterý mindeti turǵanyn alǵa tartty.
Prezıdent atap ótkendeı, kásiptik bilim berýde kásipkerlerdiń jańa býynyn daıyndaýǵa basymdyq berý qajet. Sondyqtan «kásipkerlik negizderi» páni bilim berýdiń barlyq deńgeılerinde – mektepterden joǵary oqý oryndaryna deıin oqytylýy tıis. Búginde QazUÝ-da 20-dan astam stýdenttik bıznes-ınkýbator jumys isteıdi, onda 75 stýdent startapy men ınnovatsııalyq jobasy iske asyrylýda. Oqý traektorııasy ýnıversıtet bitirgennen keıin túlekter jumys izdemeı-aq, shaǵyn ınnovatsııalyq kásiporyndar ashý arqyly ózderi jańa jumys oryndaryn qurýǵa baǵyttalǵan.
Joldaýda densaýlyq saqtaý basym sala retinde aıqyndalǵan. Koronavırýs pandemııasy medıtsınadaǵy júıeli máselelerdi, onyń ishinde kásibı kadrlardyń tapshylyǵyn anyqtady. Qasym-Jomart Kemeluly uzaq merzimdi boljam negizinde medıtsınalyq mekemeler úshin kadrlar daıarlaýdy qamtamasyz etýdi tapsyrdy. Aıta ketý kerek, QazUÝ osy baǵytta belsendi jumys atqarýda jáne jetekshi sheteldik joǵary oqý oryndarymen seriktestikte klassıkalyq ýnıversıtet negizinde alǵash ret qurylǵan medıtsına fakýltetinde mamandar daıarlaýdy júzege asyrýda.
Ǵylymı keńestiń onlaın-otyrysynda sóz sóılegen oqytýshylar men ǵalymdar Prezıdentti qoldaı otyryp, Joldaý – júrgizilip jatqan reformalarǵa qýatty serpin beretin ýaqtyly jáne muqııat zerdelengen strategııa ekenin atap ótti. Memleket basshysy usynǵan keshendi sharalardy iske asyrý qazirgi kezeńde eldiń turaqty damýyn qamtamasyz etýge jáne álemdik qoǵamdastyqta laıyqty oryn alýǵa múmkindik beredi.
Talqylaý qorytyndysy boıynsha QazUÝ-dyń ǵylymı keńesinde Joldaýdy júzege asyrý boıynsha keshendi jol kartasy qabyldandy. Ol Prezıdenttiń tapsyrmalaryn oryndaýdy, onyń ishinde ǵylymı zertteýlerdiń nátıjelerin naqty sektorǵa engizý, «jasyl» ekonomıka men IT salasyn damytý, pandemııa jaǵdaıynda sapaly bilim berýdi qamtamasyz etý jáne bilim alýshylarda joǵary kásibı quzyretterdi qalyptastyrý, stýdentter men oqytýshylardy áleýmettik qoldaý jónindegi tapsyrmalaryn oryndaýdy kózdeıdi.
