«Qaztsınktiń» Óskemendegi kásiporyndaryn prokýratýra tekserip jatyr

ASTANA. KAZINFORM — Óskemendegi iri 22 kásiporynnyń 15-inde aýa sapasyn baqylaıtyn qurylǵy ornatylmaǵan. Shyǵys Qazaqstan oblysynyń ákimi Ermek Kósherbaev Úkimet otyrysynda osyndaı derek keltirdi.

— Búginde qaladaǵy 22 iri kásiporynnyń 7 jeteýinde ǵana aýaǵa tastalatyn shyǵaryndylardyń mólsheri týraly derekti óńdeıtin qurylǵy ornatylǵan. Biz osy datchık ornatpaǵan kásiporyndarmen jumysty kúsheıtemiz. Qurylǵyny jaqyn arada ornatpasa, materıaldaryn sotqa beremiz», — dedi Ermek Kósherbaev.

Sondaı-aq ol Shyǵys Qazaqstandaǵy eń iri kásiporyndardyń birinde tekserý bastalǵanyn aıtty.

— Prokýratýra organdary ýákiletti uıymdarmen birge, birneshe oblystan mamandar tarta otyryp «Qaztsınk» JShS-inde keshendi tekserý júrgizip jatyr. Ol tekserýdiń qorytyndylary qoǵamǵa tanystyrylady. Tekserýdiń aldyn ala málimetteri boıynsha kásiporynmen ekologııany jaqsartýǵa arnalǵan sharalardy aqyldasyp jatyrmyz, — dedi oblys ákimi.

Eske salsaq, Óskemen qalasynda turǵyn aýdandarda kóligin 5 mınýttan artyq qyzdyrǵan 3 adamǵa aıyppul salynǵan bolatyn.