«Qaztsınk» kompanııasyna 50 mln teńge aıyppul salyndy
ShYǴYS QAZASTAN OBLYSY. KAZINFORM — Bıyl qańtar aıynda Shyǵys Qazaqstan oblysyndaǵy Úlbi ózeniniń lastaný faktisi boıynsha «Qaztsınk» JShS Rıdder taý-ken baıytý keshenine qatysty jospardan tys tekserý aıaqtaldy. Tekseris nátıjesinde mekemege ózendi lastaǵany úshin 50 mln teńge aıyppul salyndy.
Jospardan tys tekserý júrgizý barysynda Ekologııa departamentiniń mamandary iriktep alǵan sarqyndy sýlardyń synamalary marganets boıynsha 4,5 ese artyq ekenin kórsetken.
«Tazartý qurylystaryn tıisinshe paıdalanbaý nátıjesinde Úlbi ózenine kóptegen aǵyndar oryn alatyny anyqtaldy. Jospardan tys tekserý qorytyndysy boıynsha «Qaztsınk» JShS-ne 50 mln teńge kóleminde ákimshilik aıyppul salyndy, sondaı-aq buzýshylyqtardy joıý týraly nusqama berildi», - dep habarlady Ekologııa jáne tabıǵı resýrstar mınıstrliginiń Ekologııalyq retteý jáne baqylaý komıtetinen.
