«Qazsýshar» fılıaldary 300-den astam jańa tehnıka aldy
ASTANA. KAZINFORM – Sý resýrstary jáne ırrıgatsııa mınıstrligi «Qazsýshar» respýblıkalyq memlekettik kásipornyn jalpy sany 757 tehnıkamen qamtamasyz etýdi josparlap otyr.
Jumys bes kezeńmen júrgizilip jatyr. Qazirgi tańda alǵashqy tórt kezeń boıynsha 636 tehnıka jetkizýge kelisimsharttar jasaldy. Kelisimsharttarǵa sáıkes, tehnıkalar Qazaqstannyń 14 oblysyndaǵy «Qazsýshardyń» 17 fılıalyna jetkiziledi. Sońǵy kezeń boıynsha konkýrs rásimderi ótkizilip jatyr.
— Fılıaldardy jańa tehnıkamen jabdyqtaý sý nysandaryn tazalaý jáne gıdrotehnıkalyq qurylystardy qaıta jańartý jumystaryn jedel júrgizýge múmkindik beredi. Sonymen qatar bul tasqyn sýyna qarsy sharalardyń tıimdiligin arttyrady, — dedi Sý resýrstary jáne ırrıgatsııa vıtse-mınıstri Erbolat Ibraıhanov.
Aıta ketelik mınıstrlik «QazSýSharǵa» Islam Damý bankinen 2,7 mlrd dollar ınvestıtsııa tartýdy kózdep otyr.