«KazSat-3»-ke kóshý qosymsha arnalardy kórýge múmkindik beredi
-Barshaǵa málim bolǵandaı, 2014 jyldyń jeltoqsanynda sheteldik jerserikterden aqparattyq syıymdylyqtardy jalǵa alýdan bas tartý arqyly elden qarajattyń jylystaýynyń aldyn alatyn jáne eldiń aqparattyq qaýipsizdigin qamtamasyz etetin qazaqstandyq «KazSat-3» jerserigi iske qosylǵan bolatyn. «Qazteleradıo» AQ teleradıo habarlardy taratýdyń Ulttyq operatory retinde, sondaı-aq, óziniń tsıfrlyq sıgnalynyń habar taratýyn otandyq jerserikke kóshirýde. Qandaı nátıjelerge qol jetkizgenderińiz jóninde jáne osy kóshýdiń mańyzdylyǵy nede ekenin aıtyp berseńiz?
-2016 jyldyń 15-naýryzynan biz «OTAU TV» jerseriktik televızııanyń abonentterin otandyq KazSat-3 jerserigine kóshirýdi bastadyq. Qazaqstandyq jerseriktiń paıdasyna tańdaý ekonomıkalyq maqsatqa sáıkestiligimen qabyldanǵan, memlekettik organdardy baılanystyń táýelsiz arnalarymen qamtamasyz etýden basqa, otandyq teleradıo arnalar ózindik qarajattarynaıtarlyqtaı únemdeıdi, óıtkeni, sharttar teńgede jasalady jáne sheteldik valıýtanyń baǵamyna baılanysty emes, otandyq jerserikte syıymdylyqtardy jalǵa alý sheteldik jerserikterge qaraǵanda anaǵurlym tómen. Osylaısha, biz óz elimizdiń ekonomıkasynyń damýyna septigimizdi tıgizemiz jáne bul otandyq jerserikke bizdiń kóshýimizdiń qajet bolýynyń birinshi jáne basty sebebi bolyp tabylady.
Budan buryn «OTAU TV» jerseriktik televızııanyń habar taratýy 2016 jyldyń kúzinde óz jumysyn aıaqtaıtyn sheteldik jerserikten júzege asyryldy. Qazirgi tańda «OTAU TV» qyzmetterin 1 mln.-nan astam abonentter qoldanady jáne 2016 jyldyń qyrkúıegine deıin olardyń árqaısysy sheteldik jerserikti óshirgennen keıin televızııa arqyly aqparat alýdan aıyrylyp qalmaý úshin jerserikti jabdyqty qaıta kúıge keltirýdi mindetti túrde júzege asyrýy tıis.
-Abonent óz betimen jabdyqty qaıta kúıge keltire ala ma?
-Iá, ol úshin KazSat-3 jerserigine abonenttiń jabdyǵynkúıge keltirý boıynsha oqytýshy beıne nusqaýlyq-materıal daıyndalǵan bolatyn. Bul materıal Internet jelisindewww.otautv.kz jáne www.kazteleradio.kz saıttarynda qoljetimdi. Eger januıada ártúrli sebepter boıynsha jabdyqty kúıge keltiretin adam bolmasa, onda abonentter sharttyq negizde kúıge keltirtýdi júzege asyratyn avtorlandyrylǵan dılerlerge bilikti kómekti alý úshin júginýlerine bolady. Olar árbir aýdanda, sondaı-aq barlyq baılanystar www.otautv.kz saıtynda bar. Bul qyzmettiń quny 2000 teńgeden aspaıdy.
Abonentterdiń nazaryna, óz jabdyǵynkúıge keltirgennen keıin ol týraly koll-ortalyqtyń: 193 nemese 8(727)2581500 telefondary arqyly mindetti túrde habarlaýy nemese óz derbes shotynyń nómirin jáne telefon nómiri týraly aqparattyóz óńiriniń satý ortalyǵyna qaldyrýytıis, bul abonentke kepildi syılyq alýǵa múmkindik beredi.
- Qosylý úshin ótinishti qalaı berýge bolady jáne sheberdiń kelýin qansha ýaqyt kútý kerek?
-Jerseriktik jabdyqty qaıta kúıge keltirý úshin ótinishti birneshe tásilder arqyly qaldyrýǵa bolady: joǵaryda kórsetilgen nómirler arqyly koll-ortalyqqa qońyraý shalý arqyly; Sizdiń turǵylyqty jerińiz boıynsha óńirlik abonenttiń bólimge qońyraý shalýy arqyly; nemese www.otautv.kz resmı ınternet-resýrsynda onlaın-ótinishti qaldyrý arqyly.
Bul ótinishter dılerler arqyly úlestiriledi jáne bir-eki kún ishinde sheber Sizdiń úıińizge barady, qaıta kúıge keltirý úderisiniń ózi jarty saǵattan aspaıtyn ýaqytty alady.
Alystaǵy aýyldyq aýdandardyń turǵyndary birlesip, qaıta kúıge keltirýge ótinish berýlerine bolady, osylaısha dıler bir kúnniń ishinde barlyq eldi mekende jerseriktik jabdyqty qaıta kúıge keltire alady. Eger, eldi mekenniń turǵyndarynyń biri qaıta kúıge keltirý úshin ótinishti berý sheshimin qabyldasa, ol týraly múmkindiginshe «OTAU TV» jerseriktik televızııa ornatylǵan barlyq turǵyndardy habardar etińiz. Osylaısha, Siz dılerdiń jumysyn jeńildetesiz jáne qaıta kúıge keltirý úrdisin jyldamdatasyz. Dılerge bir-eki ótinishti oryndaý úshin alystaǵy aýylǵa árdaıym barý qıyn bolady, ol sondaı-aq, kóshý merzimderine jáne qyzmet kórsetýdiń qunyna da áser etýi múmkin.
-Qazaqstandyq jerserikke kóshkennen keıin kórermen qandaı qosymsha artyqshylyqtarǵa ıe bolady?
-Bizdiń abonentter tsıfrlyq televızııanyń keskini men dybys sapasyn baǵalap úlgerdi. Qosymsha, elektrondyq habarlar baǵdarlamasy jáne telegazet sııaqty servıster bolady. Bizdiń taraptan turaqty negizde arnalar toptamasynyń quramyn - olardyń sandyq jáne sapalyq túrinde jetildirý boıynsha jumystar ótkiziledi. Qazaqstandyq «KazSat-3» jerserigine kóshý kórermenderge qosymsha SD arnalardy kórýge múmkindik beredi, sondaı-aq aǵymdaǵy jyldyń kúzinde aqyly toptamanyń paıdalanýshylaryna qoljetimdi bolatyn HD (aıqyndyǵy joǵary arnalaryn) arnalaryn kórý múmkindigin beredi.
