«KazSat-2» jer serigin aýystyrý baılanys operatorlaryna kedergi keltirmeıdi

ASTANA. QazAqparat - Qazaqstanda «KazSat-2» jer serigi aýystyrylady. Bul týraly «QazAqparat» tilshisine QR Qorǵanys jáne aeroǵarysh ónerkásibi vıtse-mınıstri Marat Nurǵojın málim etti, dep habarlaıdy QazAqparat.

«KazSat-2» jer seriginiń jumys ýaqyty 2023 jylǵa deıin negizdelgen, ıaǵnı ol 12,5 jyl qyzmet etýi tıis (2011 jyly ǵaryshqa shyǵaryldy). Sondyqtan biz osy jyldan onyń ornyna jańa ǵarysh apparatyn daıyndaý jobasyn iske asyrýdy bastadyq. («KazSat-2R»). 2023 jyly jańa spýtnıkti sol núktege ornalastyramyz jáne bul sharalar baılanys operatorlaryna kedergi keltirmeıdi»,-dedi ol Májilistegi Úkimet saǵatynan keıin.

Onyń sózine qaraǵanda, «KazSat-2» salynǵan aqshany 2018 jyly, al «KazSat-3» 2021 jyly aqtap, osydan keıin taza kiris ákeledi.

Budan buryn habarlanǵandaı , QR Qorǵanys jáne aeroǵarysh ónerkásibi mınıstri Beıbit Atamqulov «KazSat» júıesi esebinen 45 mln dollar únemdelgenin atap ótken bolatyn.