Qazposhta ózin bopsalaǵandardy jaýapkershilikke tartýdyń jolyn qarastyrýda

NUR-SULTAN. QazAqparat – Qazposhta serverlerinen eshqandaı aqparat syrtqa shyqpaǵan. Bul týraly QazAqparat kompanııanyń saıtyna silteme jasap habarlaıdy.

«Hakerlik forýmda «Qazposhta» AQ derekter qorynyń bekap serverine kirý týraly habarlandyrý jarııalaǵan jeke tulǵa kompanııany bopsalaý maqsatynda birneshe myń dollarǵa aqparatty satyp alýdy usynyp, birneshe márte júgingen bolatyn. Qazposhta serverlerinen eshqandaı aqparat syrtqa shyqpaǵan. «Qazposhta» AQ osy habarlandyrý jarııalanǵanǵa deıin bopsalaý týraly aqparatty quqyq qorǵaý organdaryna, Ulttyq qaýipsizdik komıtetine berdi. Bul máseleni «Qazposhta» AQ quqyq qorǵaý organdarymen birlesip jeke tulǵany jaýapkershilikke tartý úshin pysyqtap jatyr», - delingen habarlamada.