Qazposhta áleýmettik jelide taraǵan daýly vıdeoǵa pikir bildirdi

ASTANA. QazAqparat – Qazposhta áleýmettik jelide taraǵan daýly vıdeoǵa pikir bildirdi, dep habarlaıdy QazAqparat tilshisi.

«Telegram kanalda jarııalanǵan beınematerıalǵa baılanysty beıne avtorynyń boljamdary shyndyqqa janaspaıtynyn habarlaımyz. Qara tústi tsellofan qaptarda hattar men sálemdemeler bolmaǵan. Barlyq poshta jóneltilimderi tıeý talaptaryna sáıkes kólikke tıeledi», - dep atap ótti «Qazposhta» AQ PR qyzmetinen.

Áleýmettik jelige taraǵan 39 sekýndtyq vıdeo avtorynyń atap ótýinshe, oqıǵa Almaty oblysyna qarasty Іle aýdanyndaǵy Qazposhta bólimsheleriniń birinshe oryn alǵan. Vıdeodan bireýlerdiń Qazposhta degen jazýy bar kólikke qaraı qara paketterdi baspaldaqtan tómen qaraı domalatyp jatqanyn baıqaýǵa bolady.

Foto: tobolinfo.kz