Qaznetke hakerler shabýyl jasady

ASTANA. QazAqparat – Internettiń qazaqstandyq bóligine birneshe kúnnen beri kıbershabýyl jasalyp jatyr, dep habarlaıdy QazAqparat «Memlekettik tehnıkalyq qyzmet» AQ baspasóz qyzmetine silteme jasap.

Maqsatty kıbershabýyldar eldiń memlekettik organdaryna da, Qaznet ınfraqurylymyna da baǵyttalǵan.

Onyń saldarynan ınternetke qosylýda kidiris oryn bolyp jatyr. «MTQ» AQ uzaqmerzimdi kıbershabýyldar elde jáne álemde bolyp jatqan qoǵamdyq oqıǵalarǵa baılanysty dep boljaıdy.

«Eger siz aqparattyq qaýipsizdik oqıǵasyna tap bolsańyz, 1400 (24/7) tegin nómirine qońyraý shalý arqyly mamandarǵa habarlasýyńyzdy nemese Telegram chatyna ótinim jiberýińizdi suraımyz» dep eskertedi kásiporyn.

Eske sala ketsek, QazAqparat buǵan deıin kompanııanyń baılanys operatorlarymen birlesip, júıeni ońtaılandyrý baǵytynda tehnıkalyq jumystar júrgizip jatqanyn habarlaǵan.