«Qazmedıa ortalyǵynyń» jańa bas dırektory taǵaıyndaldy

ASTANA. QazAqparat - QR Investıtsııalar jáne damý mınıstrliginiń 2015 jylǵy 4 tamyzyndaǵy №9-j buıryǵy boıynsha «Qazmedıa ortalyǵy» basqarýshy kompanııasy» JShS bas dırektory qyzmetine Aıýpov Mırbolat Haıratuly taǵaıyndaldy, dep habarlaıdy kompanııanyń baspasóz qyzmetinen.

M.H.Aıýpov buǵan deıin «Zerde» UAKQ aqparattyq-kommýnıkatsııalyq qorynyń basqarma tóraǵasy qyzmetin atqardy. Máskeý ınjenerlik-fızıkalyq ınstıtýtynyń kıbernetıka fakýltetin, qoldanbaly matematıka mamandyǵy boıynsha jáne Qaraǵandy ekonomıkalyq ýnıversıtetin qarjy jáne kredıt mamandaǵy boıynsha támamdady. «Altel» AQ vıtse-prezıdenti (2005-2007), «Transtelekom» kompanııasynyń prezıdenti (2009-2012), 2012 jyldan mobıldi baılanys boıynsha «Qazaqtelekom» AQ basqarýshy dırektory qyzmetterin atqardy. «Qazmedıa ortalyǵynyń» osyǵan deıingi bas dırektory Meıir Ǵarıpollauly Eskendirov óz qalaýymen qyzmetinen bosatyldy.