Qazirgi Konstıtýtsııamyz birneshe ózgeristerden ótti - Bolysbek Battalhanov
Ata Zańnyń túp negizi Táýke hannyń jeti jarǵysynan bastaý alady. Keńes Odaǵy tusyndaǵy Konstıtýtsııadan keıin táýelsizdik jyldarynda Qazaqstanda 1993 jyly jáne 1995 jyly jalpyhalyqtyq referendýmda qabyldanǵan eki konstıtýtsııa bolǵany málim.
QR Halyq Assambleıasynan saılanǵan Parlament Májilisiniń depýtaty Ahmet Mýradov Konstıtýtsııa qazaqstandyqtardy ǵana emes, azamattardyń ózi de Ata Zań talaptaryn oryndaı otyryp, ony qorǵaýǵa tıistigin aıtty.
«Parlamentten ótetin kez kelgen zań Konstıtýtsııaǵa qaıshy kelmeýi kerek. Ol ábden sáıkestik saraptamasynan ótpeıinshe qabyldanbaıdy. Rezonansty zańdardy QR Konstıtýtsııalyq keńesi tekseredi. Onyń quramynda tájirıbeli zańgerler men bilikti sarapshylar bar. Zańnyń durys-burystyǵy májiliste talqyǵa túsedi. Eger jańa zań Prezıdent pen Parlament sheshimimen bekitilse, Konstıtýtsııa talaptaryna saı keledi degen sóz. Sebebi taldanyp, tarazydan ótken. Ony oryndaý - mindet. Bul turǵyda keıbir tapsyrmalar QR Halyq Assambleıasynyń mindetine júktelgen. Biz zańǵa qulaq asatyn qoǵamdy tárbıelesek, elimizdiń basty maqsaty - halyq birligin saqtaı alamyz»,-dedi Ahmet Mýradov.
D.A.Qonaev atyndaǵy Eýrazııa Zań Akademııasynyń kafedra meńgerýshisi Bolysbek Battalhanov Konstıtýtsııaǵa engiziletin sońǵy ózgerister týraly pikir bildirdi.
«Qazirgi Konstıtýtsııamyz birneshe ózgeristerden ótti. 2017 jyldyń aqpanynda úlken ózgerister boldy. Ondaǵy jańartýlarǵa keler bolsaq, tek keıbir baptar ǵana ózgeriske ushyraıdy. Sebebi ómir bir orynda turmaıdy. Dúnıejúzindegi ózge de memlekettermen qarym-qatynas jasaǵandyqtan, olarǵa baılanysty jańalyqtar engiziledi. Alaıda Ata Zańnyń negizgi baptaryna bul áser etpeıdi», - dedi ǵalym.