Kazinform tilshisi Dáýlet Іztileýov mezgilsiz dúnıeden ótti
ASTANA. KAZINFORM – Kazinform tilshisi, belgili jýrnalıst Dáýlet Іztileýov birneshe aıǵa sozylǵan syrqattan qaıtys boldy.
Kazinform ujymy kútpegen qazaǵa ushyrady. Uzaqqa sozylǵan syrqattan keıin áriptesimiz, adal azamat Dáýlet Amangeldiuly Іztileýov ómirden ótti. Densaýlyǵyn túzep, jaqynda aramyzǵa oralady degen úmitimiz kenetten úzildi.
Ony áriptesteri bilikti, jaýapkershiligi joǵary, adamgershiligi mol, óz prıntsıpterine adal jýrnalıst retinde biletin. Dáýlet Іztileýov minezi jaıdary, aınalasyna janashyr, aqkóńil jan edi. Ortaq iske bel sheship kirisetin elgezek áriptes retinde ortasyna syıly boldy. Qadirli áriptesimizdiń otbasy men jaqyndaryna, týǵan-týystaryna qaıǵyryp kóńil aıtamyz.
Dáýlet Іztileýov 1984 jyly 31 shildede Qyzylorda oblysy Qazaly aýdany Abaı aýylynda dúnıege kelgen. 2010 jyly Y. Altynsarın atyndaǵy Arqalyq memlekettik pedagogıkalyq ınstıtýtyn tarıh pániniń muǵalimi mamandyǵy boıynsha támamdady.
Eńbek jolyn (2008-2013 j.j.) Astana qalasyndaǵy Ómirlik negizgi mektebinde tarıh jáne quqyq pánderiniń muǵalimi bolyp bastady.
2013-2016 j.j. – Astana qalasyndaǵy qazaq-túrik lıtseıinde muǵalim boldy.
2016-2018 j.j. – Astana qalasy Y. Altynsarın atyndaǵy Ulttyq bilim akademııasynyń aǵa ǵylymı qyzmetkeri bolyp jumys istedi.
2016 jyldan bastap jýrnalıstıkaǵa bet buryp, 2018 jylǵa deıin «Qazkontent» aktsıonerlik qoǵamynyń «Qazaqstan tarıhy» portalynda tilshi boldy.
2019-2020 j.j. – Astana qalasynyń «Elorda-Aqparat» JShS-de jýrnalıst bolyp eńbek etti.
25.02.2020-31.05.2020 – QR Parlamenti Senatynyń baspasóz qyzmetinde jumys istedi.
2021 jyldyń maýsym aıynan búginge deıin Kazinform halyqaralyq agenttiginiń Astanadaǵy bas keńsesinde tilshi boldy.
Áriptesimizdiń jarqyn beınesi, adamı bolmysy men shynaıy beınesi ujymdastarynyń, áriptesteriniń jadynda máńgi saqtalady.