Qajymuqannyń aýylynda taǵy bir alyp bala dúnıege keldi

TÚRKІSTAN. KAZINFORM – Túrkistan oblysynda salmaǵy 6015 gramm, al boıy 63 sm bolatyn alyp sábı ómirge keldi.

Dárigerler keńesiniń sheshimi boıynsha ana kesar tiligi arqyly bosanǵan.

– Ordabasy aýdanyndaǵy kópbeıindi aýdandyq ortalyq aýrýhanada 4 aqpan kúni alyp sábı dúnıege keldi. Anasy 4-júktiligi kezinde preklamsııa dıagnozymen bizdiń baqylaýymyzda boldy. Josparly ota sátti ótti. Búginde ana men balanyń jaǵdaıy qanaǵattanarlyq deńgeıde jáne dárigerlerdiń turaqty baqylaýynda, – dedi perzenthananyń bólim meńgerýshisi Baljan Sultanova.

Eske sala ketsek, 2023 jyly da atalǵan aýdanda alyp bala dúnıege kelgen. Kókaral eldimekeninde bes balasy bar turǵyn salmaǵy 5120 gr, al boıy 58 sm sábıdi ómirge ákelgen.

Budan buryn Shymkentte salmaǵy 7 keli tartatyn alyp sábı dúnıege kelgenin jazǵan edik.