Qazgıdromet: Esil ózeni arnasynan asýy múmkin

ASTANA. KAZINFORM – Sınoptıkter elimizdiń ońtústik-shyǵysy men ońtústiktiń taýly aýdandarynda qatty jańbyr, soltústiginde túngi ýaqytta jaýyn-shashyn jaýatynyn boljap otyr. Qala berdi, naızaǵaı, tuman, jel kúsheıip, eldiń ońtústiginde daýyl bolmaq.

Ortalyq kommýnıkatsııalar qyzmetinde ótken brıfıngte «Qazgıdromet» RMK baspasóz hatshysy Alına Ismagýlova aldaǵy aýa raıy boljamymen bólisti.

«Ótken táýlikte 5 oblys boıynsha 4 gıdrologııalyq daýyldy eskertý jarııalandy - Soltústik Qazaqstan, Shyǵys Qazaqstan, Abaı, Túrkistan jáne Almaty oblystarynda. Soltústik Qazaqstan oblysynda 15-19 sáýir aralyǵynda Aqmola oblysynan Terisaqqan, Jabaı jáne Qalqutan ózenderinen janama aǵyndardyń kelýine baılanysty Esil ózeni boıyndaǵy Ǵ. Músirepov, Shal aqyn jáne Esil aýdandarynda sý deńgeıiniń kóterilýi, sý tasqynynyń ekinshi tolqyny jáne qaýipti deńgeıden asýy kútilýde», - dedi ol.

Sondaı-aq, Shyǵys Qazaqstan jáne Abaı oblystary Ertis-Abylaıkıt ózeniniń gıdrologııalyq beketinde sý deńgeıi 313 sm quraǵan (shekti deńgeı 300 sm).

16-17 sáýir aralyǵynda Túrkistan oblysynyń betkeılik aǵynnyń qalyptasýy jáne ózenderde sý deńgeıleriniń kóterilýi kútilip otyr.