Qazgıdromet: Elimizdiń birqatar oblysynda 20 gradýsqa deıin aıaz bolady

ASTANA. KAZINFORM — Sınoptıkter 19 aqpan kúni Qazaqstan aýmaǵy boıynsha daýyldy eskertý jarııalady, dep habarlaıdy Kazinform agenttigi «Qazgıdromet» RMK-ǵa silteme jasap.

19 aqpanda Astana qalasynda aýa temperatýrasy túnde jáne kúndiz kúrt tómendep, 11–13 gradýs aıaz bolady.

Aqmola oblysynda túnde jáne kúndiz aýa temperatýrasy 10–15 gradýsqa deıin tómendeıdi, oblystyń batysy men soltústiginde 20 gradýs aıaz kútiledi.

Aqtóbe oblysynda túnde aıaz 12–17 gradýsqa deıin jetedi, al oblystyń ońtústiginde 7 gradýsqa deıin kún sýytady.

Qostanaı oblysynda túnde 15–20 gradýs aıaz, soltústik-shyǵysynda 23 gradýs aıaz, kúndiz 12–17 gradýs aıaz, soltústik-shyǵysynda 20 gradýs aıaz kútiledi.

Soltústik Qazaqstan oblysynda túnde jáne kúndiz 15–20 gradýs aıaz, oblystyń soltústiginde 23 gradýs aıaz bolady.

Pavlodar oblysynda túnde jáne kúndiz 8–13 gradýs aıaz, batysy men soltústiginde 16 gradýs aıaz kútiledi.

Batys Qazaqstan oblysynyń ońtústigi men batysynda kúndiz jaýyn-shashyn (jańbyr, qar), jaıaý burqasyn, tuman, kóktaıǵaq bolady. Shyǵystan soqqan jeldiń ekpini 15–20 m/s-qa jetedi.

Jetisý oblysynyń soltústiginde, ońtústiginde jáne taýly aýdandarynda túnde jáne tańerteń tuman túsedi. Ońtústik-shyǵystan soqqan jeldiń ekpini 15–20 m/s.

Ulytaý oblysynda jaýyn-shashyn, soltústigi men shyǵysynda keı ýaqytta qatty jaýyn-shashyn (jańbyr, qar), jaıaý burqasyn, tuman, kóktaıǵaq bolady. Jeldiń ekpini 15–20 m/s deıin barady.

Jambyl oblysynda aýa temperatýrasy túnde jáne kúndiz 3–8 gradýs shamasynda jylıdy, soltústigi men taýly aýdandarynda 2 gradýs aıaz kútiledi.

Qaraǵandy oblysynyń soltústiginde túnde jaýyn-shashyn (jańbyrdyń qarǵa aýysýy), jaıaý burqasyn, kúndiz qar, boran bolady. Oblystyń ońtústiginde jaýyn-shashyn (jańbyr, qar), soltústigi men shyǵysynda qalyń qar kútiledi. Keı jerlerde tuman, kóktaıǵaq bolady. Jeldiń ekpini 15–20 m/s deıin jetedi.

Mańǵystaý oblysynyń batysynda, soltústiginde jáne ortalyǵynda tuman kútiledi. Jel ekpini 15–20 m/s, keı ýaqytta 25 m/s-qa deıin barady.

Túrkistan oblysynyń soltústiginde túnde jaýyn-shashyn (jańbyr, qar) kútiledi. Batysy, soltústigi, ońtústigi jáne taýly aýdandarynda tuman túsedi. Taýly asýlarda jeldiń ekpini 23–28 m/s-qa deıin jetedi.

Atyraý oblysynyń batysy, ońtústigi jáne shyǵysynda tuman túsip, kóktaıǵaq kútiledi. Jeldiń ekpini 15–20 m/s deıin jetýi yqtımal.

Shyǵys Qazaqstan oblysynyń soltústiginde túnde jáne kúndiz jaýyn-shashyn (jańbyr, qar), boran, kóktaıǵaq, keı ýaqytta qatty jaýyn-shashyn kútiledi. Jeldiń ekpini 15–20 m/s.

Abaı oblysynyń batysynda, soltústiginde jáne ortalyǵynda jaýyn-shashyn (jańbyr, qar), boran, kóktaıǵaq, keı jerde qatty jaýyn-shashyn bolady. Jel ekpini 15–20 m/s, keıde 23 m/s deıin uıytqıdy.

Almaty oblysynyń ońtústigi men ortalyǵynda jeldiń ekpini 15–20 m/s deıin jetedi.

Qyzylorda oblysynyń soltústiginde túnde jáne tańerteń kóktaıǵaq bolady. Oblystyń ortalyǵy, soltústigi jáne ońtústiginde tuman kútiledi. Jeldiń ekpini 15–20 m/s.

Osydan buryn erteń kóktaıǵaqqa baılanysty pavlodarlyq oqýshylar men stýdentter onlaın oqıtynyn jazǵan edik.