Qazgıdromet: Almatyda qatty daýyl soǵatyny týraly aqparat - feık

ALMATY. QazAqparat – WhatsApp messendjerinde Almatyda ekpini saǵatyna 100 shaqyrymnan asatyn qatty daýyl soǵatyny týraly habarlama tarady. Osyǵan baılanysty «Qazgıdromet» RMK resmı túsinik berdi, dep habarlaıdy QazAqparat tilshisi.

WhatsApp messendjerinde qazaqstandyq meteorologtar atynan Almatyda qatty daýyl soǵatyny týraly eskertý tarady.

Habarlamada jeldiń ekpini - saǵatyna 100 shaqyrymǵa, jaýyn-shashyn mólsheri - 50 mm-ge jetip, jel men nóser jaýyn ǵımarattar men ınfraqurylymǵa zııan keltirýi múmkin ekeni eskertilgen. Jazba avtory qala turǵyndaryn úıden shyqpaýǵa shaqyrady.

«Qazgıdromet» RMK WhatsApp messendjerinde taraǵan bul habarlamalardyń jalǵan ekenin málimdedi.

«Almaty qalasynda WhatsApp messendjeri arqyly qatty daýyl soǵatyny týraly taraǵan habarlama - feık. Aýa raıy boljamy týraly senimdi aqparat resmı saıtymyzda jarııalanady», - dep habarlady «Qazgıdromet» RMK baspasóz qyzmeti.

Eske salaıyq, Qazgıdromet elimizdiń birqatar óńirinde aýa raıyna baılanysty eskertý jarııalady.