Qazǵarysh memorgandardyń 2016 jylǵy ǵaryshtyq monıtorıngke qatysty barlyq ótinimderin oryndady

ASTANA. QazAqparat  - 2016 jyly «Qazaqstan Ǵarysh Sapary» ulttyq kompanııasy Qazaqstannyń memlekettik organdary men uıymdaryna shamamen 15 myń ǵaryshtyq sýretter usyndy. Bul Jer aýmaǵynan túsirilgen 20 mıllıonnan astam shaqyrymdy quraıdy, dep habarlaıdy QazAqparat QR Qorǵanys jáne aeroǵarysh ónerkásibi mınıstrligine silteme jasap.

Atap óterligi, «Qazaqstan Respýblıkasynyń Jerdi qashyqtan zondtaý ǵaryshtyq júıesinen alynǵan ǵaryshtyq sýretterdi memlekettik organdar men uıymdarǵa usyný qyzmeti» respýblıkalyq bıýdjettik baǵdarlamasyna sáıkes ǵaryshtyq monıtorıngileý ónimderi memlekettik organdarǵa olardyń ótinimderine sáıkes óteýsiz negizde usynylady.

Ǵaryshtyq sýretterdiń negizgi tapsyrys berýshileri mynalar: QR Qorǵanys mınıstrligi, QR ІІM Tótenshe jaǵdaılar komıteti, QR ІІM esirtki bıznesimen kúres jáne esirtki aınalymyn baqylaý departamenti, QR IDM Avtomobıl joldary, Azamattyq avıatsııa komıtetteri, QR Energetıka mınıstrligi, QR Bas prokýratýrasy, QR UQK, QR UQK Shekara qyzmeti.