QazAvtoJol sý basqan joldardy atady

ASTANA. KAZINFORM – Respýblıkalyq mańyzy bar 13 jolda kóliktiń barlyq túriniń qozǵalysyna shekteý engizildi. Bul týraly «QazAvtoJol» UQ» AQ resmı ókili Sáken Dildahmet aıtty.

«2024 jylǵy 12 sáýirdegi saǵat 09:30 jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa raıynyń jylynýy men qardyń tez erýi saldarynan 4 oblysta - Aqmola, Atyraý, Qostanaı, SQO-da 8 jol júrý ýchaskesinde jalpy uzyndyǵy 8 485 metr bolatyn sý tasqyny oryn aldy», - dedi Sáken Dildahmet Ortalyq kommýnıkatsııalar qyzmetindegi brıfıngte. 

Onyń dereginshe, 6 oblysta - Aqmola, Aqtóbe, Atyraý, Qostanaı, Mańǵystaý, SQO-da respýblıkalyq mańyzy bar uzyndyǵy 618 shaqyrym 13 avtomobıl joldarynda kóliktiń barlyq túriniń qozǵalysyna kelesi joldarda shekteý qoıyldy:

Aqmola oblysy:

- «Kókshetaý-Atbasar» tas jolynyń 120-184 shaqyrymy;

- «Ekaterınbýrg-Almaty» tas jolynyń 856-917 shaqyrymy.

Aqtóbe oblysy:

- «Qandyaǵash - Embi - Shalqar - Yrǵyz» tas jolynyń 3-92 shaqyrymy.

3. Atyraý oblysy:

- «Dossor - Qulsary - Beıneý - Saıótes - Shetpe - Jetibaı - Aqtaý» tas jolynyń 4-119 shaqyrymy;

- «Muqyr - Qulsary» tas jolynyń 0-136 shaqyrymy.

4. Qostanaı oblysy:

- «Marınovka aýylyna kireberis» tas jolynyń 0-9 shaqyrymy;

- «Denısovka Tavrıchenka - Arshaly - Komarovka» tas jolynyń 42-96 shaqyrymy,

- «Qostanaı - Jaqsy - Qarabutaq - Qostanaı» tas jolynyń 4-5 shaqyrymy.

5. Mańǵystaý oblysy:

- «Dossor - Qulsary - Beıneý - Saıótes - Shetpe - Jetibaı - Aqtaý» tas jolynyń 210-220 shaqyrymy.

6. Soltústik Qazaqstan oblysy:

- «Roşınskoe - Korneevka - Voloshınka» tas jolynyń 0-47 shaqyrymy;

- «Jezqazǵan-Petropavl» tas jolynyń 869-875 shaqyrymy;

- «Ekaterınbýrg-Almaty» tas jolynyń 835-856 shaqyrymy;

- «Chelıabınsk-Novosıbırsk» tas jolynyń 525-530 shaqyrymy.