QazAvtojol on merdiger kompanııany qara tizimge engizdi

ASTANA. KAZINFORM – Ulttyq kompanııa jol qurylysy sapasyna salǵyrt qaraıtyn merdiger mekemelerge zań aıasynda shara qoldanyp jatyr. 

- Jol-qurylys jumystarynyń barlyq kezeńinde joldyń sapasyna qatty nazar aýdaramyz. 2025 jyldyń basynan beri merdigerler salǵan jobalardan 2777 aqaý anyqtadyq, onyń 1400-ge jýyǵy búgingi kúni joıylyp, qalǵan aqaýlardy joıý jumystary josparǵa sáıkes júzege asyrylyp jatyr, - dedi «QazAvtoJol» ulttyq kompanııasynyń basqarma tóraǵasy Darhan Imanashev Ortalyq kommýnıkatsııalar qyzmeti alańynda ótken baspasóz máslıhatynda.

Kompanııa basshysy keltirgen málimetke súıensek, jyl basynan beri jol salý nemese jóndeý jumysyn sapaly oryndamaǵan tehnıkalyq baqylaý qyzmetterine 200 mln teńge kóleminde aıyppul salynyp, 36 maman jumystan bosatyldy.

- Sondaı-aq, respýblıkalyq avtojoldardy qaıta jańartý jáne ortasha jóndeý jumysyn tıisti túrde oryndamaǵany úshin 10 merdiger kompanııa sottyń sheshimimen josyqsyz kompanııalardyń tizimine engizildi, - dep tolyqtyrdy basqarma tóraǵa.

Buǵan deıin habarlaǵanymyzdaı, bıyl toǵyz aıda aqyly joldardan bıýdjetke 62 mlrd teńge tústi.