Qazatomónerkásip sý tasqynynan zardap shekken óńirlerge 3 mlrd teńge bóldi

ASTANA. KAZINFORM – «Qazatomónerkásip» UAK» AQ tabıǵı apattan zardap shekken óńirlerge kómek retinde 3 mlrd teńge kóleminde qarjy bóldi. Bul qarajat zardap shekken aýdandarǵa jedel qoldaý kórsetý úshin Samruk-Kazyna Trust qoryna aýdarylady.

«Biz elimizdiń keıbir óńirlerindegi sý tasqynynan týyndaǵan aýyr jaǵdaıǵa qatty ókinemiz. Osy qıyn sátte biz sizdermen birgemiz. Yntymaqtastyǵymyz ben qoldaýymyzdyń belgisi retinde qyzmetkerlerimizdiń bastamasynan bólek, Qazatomónerkásip zardap shekken turǵyndarǵa qarjylaı kómek kórsetýge belsendi atsalysýda. Biz kez kelgen qıyndyqtardy birge eńserip, zardap shekken aımaqtardyń qalypty ómirin qalpyna keltire alatyndyǵymyzdyń belgisi - Samruk-Kazyna Trust korporatıvtik qoryna qosqan úlesimiz», - dedi «Qazatomónerkásip» UAK» AQ basqarma tóraǵasy Meıirjan ıÝsýpov.

Sonymen qatar, sý tasqynyna qarsy kúreske «Qazatomónerkásip» UAK» AQ tabıǵı apattyń saldaryn joıýǵa kómek kórsetý úshin 120-ǵa jýyq arnaıy tehnıka jiberedi. Bul sheshim zardap shekken aýdandarǵa kómektesý úshin kompanııa bastaǵan keń qoldaý baǵdarlamasynyń bóligi sanalady. Arnaıy tehnıka ınfraqurylymdy qalpyna keltirý, aýmaqtardy sýdan tazartý jáne ómirlik mańyzdy nysandardy qalpyna keltirý úshin paıdalanylatyn bolady.