«Qazatomónerkásip» UAK-nyń basshysy Nurlan Qapparov Beıjińde qaıtys boldy
Qapparov Nurlan Jambyluly - «Qazatomónerkásip» UAK» AQ basqarmasynyń tóraǵasy.
1970 jyly týǵan. Almaty tehnologııa ınstıtýtyn, Garvard ýnıversıtetiniń Dj.Kennedı atyndaǵy Joǵary basqarý mektebin bitirgen, mamandyǵy boıynsha ınjener-ekonomıst, memlekettik basqarý magıstri. Joǵary oqý ornyn bitirgennen keıin, «Aktsept» korporatsııasyn quryp, 1991 jyldan 1997 jylǵa deıin onyń prezıdenti boldy. «KazTransOıl» munaı tasymaldaý jónindegi ulttyq kompanııa», «Kazahoıl» ulttyq munaı-gaz kompanııasy» aktsıonerlik qoǵamdarynyń prezıdenti bolyp jumys istedi. Qazaqstan Respýblıkasy Energetıka jáne mıneraldyq resýrstar mınıstriniń orynbasary bolyp taǵaıyndalǵan. 2003 jyldan - «Lankaster grýpp Qazaqstan» AQ dırektorlar keńesiniń tóraǵasy. 2012 - 2013 jyldary QR Qorshaǵan ortany qorǵaý mınıstri. 2013-2014 Qorshaǵan ortany qorǵaý jáne sý resýstary mınıstri. 2014 jyldyń 7 tamyzynan bastap, «Qazatomónerkásip» UAK» AQ-nyń basqarma tóraǵasy men dırektorlar keńesiniń múshesi.
