Qazatomónerkásip SAP ERP - kásiporyn resýrstaryn basqarý júıesin engizýge kiristi
Sharaǵa Qazatomónerkásiptiń Basqarma tóraǵasy Asqar Jumaǵalıev, qurylymdyq bólimshelerdiń, enshiles jáne táýeldi uıymdardyń basshylary, «Samuryq-Qazyna» AQ-nyń, sondaı-aq júıeni engizýmen shuǵyldanatyn IBM kompanııasynyń ókilderi qatysty.
SAP ERP jobasy - óndiris, mámileler, klıentter, jetkizýshiler jáne kompanııa qujattary týraly búkil korporatıvtik aqparatty qamtıtyn baǵdarlamalyq ónim.
«Qazatomónerkásip búginde birqatar IT quraldardy paıdalanady, olardyń arasynda, máselen, Jaǵdaıattyq ortalyq, Josparlaýdyń biriktirilgen júıesi jáne taǵy basqalar bar. Bul jolǵy ERP jobasy kompanııanyń IT sheshimderi júıesinen óziniń mańyzdy ornyn ıeleıdi. Biz onyń kómegimen kásiporyndar úshin ómirlik mańyzy bar máselelerdi oń sheshetin bolamyz. «Samuryq-Qazyna» Qorynyń kompanııalar tobynda biz alǵashqy bolyp Qazaqstandaǵy eń aýqymdy jobalardyń birin engizýge kirisip otyrmyz. Bul óte qýanyshty, sonymen birge óte jaýapty qadam», - dep atap kórsetti Asqar Jumaǵalıev.
Qazatomónerkásipte ERP júıesin engizý jobasyn ortalyq apparat bólimsheleriniń jáne aımaqtaǵy kompanııalardyń qyzmetkerlerinen quralǵan 200 adamdyq komanda júzege asyrady.
«Jobalyq komandalardyń barlyq qyzmetkerleri qazir bolashaq júıeniń dızaıny ústinde jumys istep, ERP-de iske asyrylatyn bıznes-protsesterdiń maqsatty úlgilerge sáıkestigine taldaý júrgizedi, sondaı-aq bolashaq júıeniń basqa jobalar (Tsıfrlyq kenish, Josparlaýdyń biriktirilgen júıesi, Jaǵdaıattyq ortalyq, t.b.) aıasynda qurylatyn júıelermen ıntegratsııalanýyn pysyqtaıdy. Eki jyldan keıin barlyq negizgi bıznes-protsester avtomattandyrylǵan júıege qol jetkizýden úmittimiz. Jańa júıede jobaǵa qatysatyn barlyq kásiporyndardan 1700 qoldanýshy jumys isteıtin bolady», - dedi «Qazatomónerkásip» UAK» AQ Bıznesti transformatsııalaý departamentiniń dırektory Valerıı Tokarev.
«Osyndaı kez-kelgen avtomattandyrýdyń túpki maqsaty - kásiporyndaǵy ahýaldy túsinip, ózekti tsıfrlyq derekterge súıengen eń ońtaıly ári jyldam sheshim qabyldaýǵa múmkindik beretin quralǵa ıe bolý», - dep tujyrymdady «Qazatomónerkásip» UAK» AQ Transformatsııa jáne kadrlyq saıasat jónindegi bas dırektor m.a. Mıras Qasymov.
2017 jyly ERP júıesin Qazatomónerkásiptiń korporatıvtik ortalyǵy men «Qazatomónerkásip-SaUran» JShS-de engizý josparlanǵan. Al 2018 jyly jańa júıe «KB-6» JShS, «Ortalyq» ÓK» JShS, «SKK» JShS jáne «ÚMZ» AQ-da jumys isteıtin bolady.
