Qazanda jyldyq ınflıatsııa 7,1 paıyzǵa deıin artty

NUR-SULTAN. QazAqparat - Qazanda jyldyq ınflıatsııa 7,1 paıyzǵa deıin artty. Bul týraly búgin Úkimet otyrysynda 10 aıdaǵy elimizdiń áleýmettik-ekonomıkalyq damýy jaıynda baıandaǵan QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Qazanda jyldyq ınflıatsııa bir aı burynǵy 7 paıyzdan 7,1 paıyzǵa deıin artty. Azyq-túlik taýarlary baǵasynyń jyldyq ósýi azyq-túlikke jatpaıtyn taýarlar baǵasynyń 5,5 paıyzynan 5,6 paıyzǵa deıin jáne aqyly qyzmetter baǵasynyń 3,6 paıyzynan 3,7 paıyzǵa deıin ósýi kezinde 10,8 paıyzdan 10,7paıyzǵa deıin azdap baıaýlady», - dedi Erbolat Dosaev.

Onyń atap ótýinshe, ınflıatsııanyń shamaly jedeldeýi qysqa merzimde paıdalanylatyn taýarlardyń qymbattaýy jáne kommýnaldyq qyzmetter tarıfteriniń ósýin qalpyna keltirý aıasynda baıqalady.

«Syrtqy jáne ishki naryqtardaǵy joǵarǵy belgisizdik aıasynda osy jylǵy 26 qazanda bazalyq stavka +/-1,5 paıyzdyq tarmaq dálizimen 9 paıyz deńgeıinde saqtaldy», - dedi ol.