Qazan aıynda ınflıatsııa deńgeıi 0,7 paıyzdy qurady

ALMATY. 8 qarasha. QazAqparat - Qazan aıynda ınflıatsııa jyldyq kórsetýde 5,5 paıyzdy qurady. Bul týraly  Ulttyq banktiń Uıymdastyrý jumysy, syrtqy jáne qoǵamdyq baılanystar departamenti málim etti.

QR Statıstıka agenttiginiń resmı derekteri boıynsha ınflıatsııa qazanda 0,7 paıyz deńgeıinde qalyptasty. Ótken jyldyń sáıkes kezeńinde ol 0,2 paıyzdy quraǵan bolatyn. Tórtinshi toqsannyń basynda azyq-túlik taýarlary men azyq-túlikke jatpaıtyn taýarlar baǵasy 0,6 paıyzǵa,  aqyly qyzmet kórsetý 0,9 paıyzǵa ósti. Byltyr ol azyq-túlik taýarlarynda 0,3 paıyz, azyq-túlikke jatpaıtyn taýarlarda 0,1 paıyz, al aqyly qyzmet kórsetýde 0,4 paıyzdy quraǵan edi.

2012 jylǵy qańtar-qazanda ınflıatsııa 4,6 paıyz kóleminde boldy. Byltyrǵy  qańtar-qazanda ol 6,5 paıyzdy quraǵan bolatyn. Jyl basynan beri azyq-túlik taýarlary 3,8 paıyzǵa (8,0%), azyq-túlikke jatpaıtyn taýarlar 2,8 paıyzǵa (4,4%), aqyly qyzmetter 7,5 paıyzǵa (6,7%) qymbattap otyr. Al sońǵy 12 aıda azyq-túlik taýarlary 4,9 paıyzǵa (9,1%), azyq-túlikke jatpaıtyn taýarlar  3,7 paıyzǵa (5,3%), aqyly qyzmetter - 8,1% paıyzǵa (7,3%-ǵa) kóterilgen.