Qazalyda jasóspirimder arasyndaǵy kelispeýshilik sońy buzaqylyqqa ulasty

QYZYLORDA. QazAqparat – Qyzylorda oblysy Qazaly aýdanynda jasóspirimder arasynda kelispeýshilik bolyp, sońy buzaqylyqqa ulasqan, dep habarlaıdy QazAqparat tilshisi.

Áleýmettik jelide jarııalanǵan beınejazbada jasóspirimderdiń túngi ýaqytta kóshe boıynda buzaqylyq áreket jasaǵany kórsetilgen. Bul boıynsha oblystyq polıtsııa departamentiniń baspasóz qyzmetinen túsinikteme berdi.

«Oqıǵanyń aýdan ortalyǵy – Áıteke bı kentinde bolǵany anyqtaldy. Atalǵan derek boıynsha QR Qylmystyq kodeksi 293-babynyń 2-bóligimen (buzaqylyq) sotqa deıingi tergep-tekserý áreketteri júrgizilip jatyr. Oqıǵa ornyna der kezinde polıtsııa qyzmetkerleriniń narıady bardy. Polıtsııaǵa 4 adam jetkizilip, olarǵa qatysty ishki ister organdaryna kelý týraly mindetteme alyndy. Aýrýhanaǵa dene jaraqatymen túskender joq. Oqıǵanyń mán-jaıy anyqtalady», - dep málim etti departamentten.

Eske salsaq, ótken jyly tamyz aıynda Qarmaqshy aýdanynda jasóspirimder arasynda jappaı tóbeles boldy.