Qazaqtildi abıtýrıentter memlekettik granttyń qansha paıyzyna úmittene alady

NUR-SULTAN. QazAqparat - Bıylǵy talapkerlerge usynalatyn oqý granttarynyń 75 paıyzy qazaqtildi bólimderge baǵyttalǵan, dep habarlaıdy QazAqparat tilshisi.

Bul týraly QR bilim jáne ǵylym mınıstrliginiń joǵary oqý ornynan keıingi bilim berý departamentiniń dırektory Ádilet Toıbaev Ortalyq kommýnıkatsııalar qyzmetinde ótken brıfıngte aıtty.

«Jalpy Qazaqstan boıynsha UBT-ǵa ótinish bergenderdiń 75 paıyzy qazaq tilinde, 25 paıyzǵa jýyǵy orys tilinde synaq tapsyratyny týraly málimet bergen bolatyn. Oqý granttarynyń kólemi de ótinishterge qaraı otyryp, týra solaı bólindi. Qazaq bólimderine 75 paıyz, orys tiline 25 paıyz grant bóldik», - dedi mınıstrlik ókili.

Ádilet Toıbaev qyzdar men uldardyń pán tańdaýynda erekshelikter bar ekenin de aıtty.

«Ul balalar kóbinese matematıka, hımııa jáne fızıka sııaqty jaratylystaný pánderin tańdasa, qyzdar bıologııany tańdaǵan», - dedi ol.

Eske salsaq, mınıstrlik ókili brıfıng barysynda UBT-nyń alǵashqy kúnindegi zańbuzýshylyqtar týraly aıtqan bolatyn.

Departament dırektorynyń aıtýynsha, test tapsyryp jatqan túlekterdiń alǵashqy legi kóbinde tehnıkalyq mamandyqtardy tańdaǵan.

Synaq tapsyrylǵan barlyq pýnktten Internette tikeleı kórsetilim júrgizildi.