«Qazaqtelekom» quramynan bir uıaly baılanys operatory shyǵýy múmkin

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrliginiń Telekommýnıkatsııa komıtetiniń tóraǵasy Erjan Meıramov «Qazaqtelekom» quramyndaǵy qaı uıaly baılanys operatory shyǵýy múmkin ekenin aıtty, dep habarlaıdy QazAqparat tilshisi.

«Qazir «Qazaqtelekom» kompanııasynyń quramynda eki uıaly (Kcell/Activ jáne «Mobaıl Telekom-Servıs (Tele2/Altel)») baılanys operatory bar. «Qazaqtelekom» quramyndaǵy eki uıaly baılanys operatorynyń bireýin shyǵarý eskerilgen. Meniń bilýimshe, Kcell-di shyǵarý boıynsha ınvestorlarmen kelissóz jasalyp jatyr», - dedi Erjan Meıramov Ortalyq kommýnıkatsııalar qyzmetindegi baspasóz máslıhatynda.

Bul turǵyda ol naqty qaı ınvestor keletinin jarııalaı almaıtynyn jetkizdi.

Aıta keteıik, byltyr Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Qazaqtelekom» quramynan bir uıaly baılanys operatory shyǵarylatynyn málim etti.

Budan buryn habarlanǵandaı, elimizde jańa uıaly baılanys operatory paıda bolýy múmkin

Bıyldyń aıaǵyna deıin 5G jıiligin satýǵa arnalǵan aýktsıon ótkizý josparlan. Eger osy aýktsıonda basqa ınvestor jeńimpaz atansa, onda jańa operatordyń paıda bolýy múmkindigi bar.