«Qazaqtelekom» eki jyldyń ishinde 128 mlrd. teńge únemdedi - Ó.Shókeev

ASTANA. QazAqparat - «Qazaqtelekom» halyqaralyq konsýltanttardy tartý arqyly eki jyldyń ishinde 128 mlrd. teńge únemdedi. Bul týraly KTK telearnasynyń «Halyq qyzmetshisi» baǵdarlamasyna suhbat bergen «Samuryq-Qazyna» UÁQ» basqarmasynyń tóraǵasy Ómirzaq Shókeev málim etti.

Onyń atap ótýinshe, búginde holdıngtiń quramyna kiretin barlyq kompanııalarda shyǵystardy qysqartý engizilgen. Máselen, mundaı shara kompanııaǵa qarasty «Qazaqtelekom» AQ-na engizilgen.

«Qazaqtelekom» jartylaı jekemenshik kompanııa. Onda menshik ıesi jiti baqylaý júrgizip otyr. Olar halyqaralyq kompanııadan arnaıy konsýltanttar jaldaǵan. Olar kásiporyndardan qarjy únemdeýdiń joldaryn ózderi izdestirip, sodan belgili bir mólsherde paıyz alady», - dedi ol.

Sonymen qatar, qor basshysy atalǵan bastama engizilgen eki jyldyń ishinde «Qazaqtelekom» kompanııasynyń qansha qarjy únemdegenin de atap ótti. «Bul bastamalar eki jyldyń ishinde 128 mlrd. teńge únemdeýge múmkindik berdi», - dedi qor basshysy.