Qazaqstannyń

ALMATY. 30 tamyz. QazAqparat - Keshe Ispanııada velosporttan «Vuelta a Espana» kópkúndiginiń Kambados pen Pontevedra arasyndaǵy  39, 4 shaqyrymdyq  11 kezeńi ótti.

Onda Qazaqstannyń "Astana  Pro Team" kásipqoı velokomandasynyń sportshysy shvetsııalyq shabandoz Fredrık Kesıakoff  QR Konstıtýtsııa kúni qarsańynda zor jetistikke qol jetkizip,  jeńimpaz atandy. Ol máre syzyǵyn 52,36 mınýt ýaqyt kórsetkishimen jalpy jiktelimde kósh bastap kele jatqan "Katıýsha" men "Saxo Bank-Tinkoff" komandalarynyń ıspanııalyq sportshylary Hoakım Rodrıgesten 1,16 mınýt, al Alberto Kontadordan 0,17 mınýt buryn kesip ótti. Osyǵan qaramastan qazir Fredrık kóshbasshy H.Rodrıgesten 23,12 mınýtqa artqa qalyp qoıyp, 45-inshi oryndy qanaǵat tutýda. Onyń ózge komandalas serikterinen belgııalyq  Kevın Zeldraers 23-inshi, qazaqstandyq Andreı Kashechkın  30-ynshy, Andreı Zeıts 39-ynshy, Aleksandr Dıachenko 81-inshi, ıtalııandyq  Paolo Tıralongo 57-inshi, reseılik Egor Sılın 93-inshi  satyda tur.