Qazaqstannyń talantty 2 myń adamynyń tizimi bar - Elbasy
Suhbat barysynda Qazaqstan Prezıdenti elimizdiń talantty 100 tulǵasyn tańdaýǵa qatysty pikir bildirdi.
«Jańa esimder boldy. Ǵajaıyp jetistikterge jetken jastar boldy. 30 jastaǵy azamat adamnyń qolyn, aıaǵyn jasaıtyn bıonıkalyq qural jasap shyǵardy. Ýnıversıtettiń 3-4 kýrsynda oqyp júrip, sonyń jertólesinde jasaǵan. Sodan keıin syrqattan kózi kórmeı qalǵan jas qyz kompozıtor bolyp, mýzykasyn jazyp, dúnıejúzine belgili adamǵa aınaldy. Qulaǵy estimeıtin qyz sýretteri ár jerlerde kórsetiletin sýretshi boldy. Mine, ishimizde osyndaı talanttar bar. 2 myń adamnyń tizimi bar. Onyń ishinen júzin tańdap aldyq», - dedi Elbasy.
Memleket basshysy dúnıejúzilik oqýlyqtardy qazaq tiline aýdarý jaıyna da toqtaldy.
«Ekonomıka» pánin alar bolsaq, «Ekonomıks» degen oqýlyq bar. Ol qazaq tilinde bolmaǵan. Qazir 18 kitapty qazaq tiline aýdardyq», - dedi Nursultan Nazarbaev.
