Qazaqstannyń ońtústiginde aýqymdy áskerı manevrler ótýde

NUR-SULTAN. QazAqparat - Qazaqstannyń ońtústiginde aýqymdy áskerı manevrler ótýde. Kenetten júrgizilgen tekseris aıasynda, «Ońtústik» óńirlik qolbasshylyǵy men Desanttyq-shabýyldaý áskerleriniń áskerı bólimderi «Mátibulaq» polıgonynda belgilengen aımaqqa keldi, dep habarlaıdy QR QM baspasóz qyzmeti.

Bólimsheler basqarý pýnkterin jabdyqtap, saqshylyq kúzet uıymdastyrdy, sondaı-aq aýmaqta barlaý júrgizedi.

Áskerı qyzmetshilerdi ornalastyrý jáne tamaqtandyrý urysqa barynsha jaqyn jaǵdaılarda uıymdastyrylǵan.

Búrkemeleý talaptary men áýeden keletin soqqydan qorǵanýdy eskere otyryp, jeke quram men tehnıka úshin ınjenerlik pozıtsııalar daıyndaldy.

Manevrge barlyǵy 3000-nan astam áskerı qyzmetshi men 500 birlikten kóp qarý-jaraq pen áskerı tehnıka jumyldyryldy.