«Qazaqstannyń Mınıstrler kabınetinde 100-den astam adam bar» – feık

ASTANA. QazAqparat – Qaznette eki sýretten jasalǵan kollaj tarady. Olardyń birinde júzden astam adamnan turatyn Qazaqstannyń Mınıstrler kabıneti kórsetilgen-mys. Ekinshisinde – Shveıtsarııanyń Mınıstrler kabıneti, onyń jeti-aq ókili bar eken. Stopfake.kz saıty taraǵan kollajǵa taldaý jasap kórdi, dep habarlaıdy QazAqparat.

Anyqtalǵandaı, birinshi sýret Aqordanyń resmı saıtynan alynǵan.

«Ol 2020 jylǵy qańtarda Memleket basshysynyń Prezıdenttik jastar kadr rezerviniń múshelerimen kezdesýi barysynda túsirilgen. Sharaǵa rezervke alynǵan 300-ge jýyq adam qatysty.
Olardyń QR Mınıstrler kabınetiniń músheleri emestigi belgili. Іs júzinde el Úkimetiniń quramyna 23 adam kiredi», - dep jazady Stopfake.kz.
Ekinshi sýret te ashyq derekkózderden alynǵan. Onda 2014 jylǵy Shveıtsarııanyń federaldy keńesi beınelengen.

«Shveıtsarııanyń Federaldy keńesine jeti adam múshe bolady, olar jeti mınıstrliktiń basshysy bolyp tabylady. Olardyń arasynan jyl saıyn Prezıdent taǵaıyndalady. Saılanǵan Keńes múshesi bul laýazymdy qaıta saılaý quqyǵynsyz bir jyl atqarady. Ony Parlamenttiń eki palatasynyń 246 depýtaty saılaıdy.
Shveıtsarııanyń memlekettik basqarý júıesi qazaqstandyq júıeden aıtarlyqtaı erekshelenetini anyq. ıAǵnı, eki eldegi Úkimet músheleriniń sanyn salystyrý maǵynasyz jáne durys emes. Sonymen qatar taratylǵan sýretter paıdalanýshylardy shatastyrady. Birinshi sýrette QR Mınıstrler kabıneti emes, al ekinshisi toǵyz jyl buryn túsirilgen», - dep túıindeıdi faktchekıngpen aınalysatyn saıt.