Qazaqstannyń Qarýly Kúshterinde áskerı úshsaıys chempıondary anyqtaldy

ALMATY. QazAqparat - Almaty qalasyndaǵy Qurlyq áskerleri Áskerı ınstıtýtynyń bazasynda áskerı úshsaıystan Qarýly Kúshterdiń chempıonaty ótti, dep habarlaıdy «Batys» óńirlik qolbasshylyǵy basqarmasynyń baspasóz qyzmeti.

Dúbirli dodaǵa Qazaqstannyń barlyq aımaǵynan 17 áskerı qyzmetshi quramasy qatysty.

Jarystyń birinshi kúninde jekelegen jáne komandalyq eseptiń birinshiliginde qyzý tartys boldy. Áskerı sportshylar granatany qashyqtyqqa laqtyrýdan saıysqa túsip, atý jattyǵýlaryn oryndady. Jalpy áskerı jattyǵýlar kesheninde 400 metr qashyqtyqqa júgirýden kedergiler jolaǵyn ótkerdi.

Saıystyń qorytyndysy boıynsha altyn medal – «Batys» Óńirlik qolbasshylyǵyna, kúmis júlde – «Shyǵys» Óńirlik qolbasshylyǵynyń áskerı qyzmetshilerine tabys etilse, Qurlyq Áskerleri Áskerı ınstıtýty úshtiktiń qatarynan kórindi.

Jekelegen esepte Qarýly Kúshter chempıony ataǵy 3662 upaı kórsetkishpen efreıtor Nurjan Eskendirge berildi. Ol saıysta 600 gramm salmaqty granatany 74 metr qashyqtyqqa laqtyrdy. Bul chempıonattyń barysyndaǵy rekordtyq kórsetkish. Sondaı-aq jarysqa qatysýshy basqa toǵyz áskerı qyzmetshimen birge «áskerı sporttyq úshsaıystyń sheberi» boıynsha normatıv oryndady.

Atalmysh jarystardy ótkizýdiń negizgi maqsaty áskerı qyzmettiń ereksheligin eskere otyryp, jeńiske degen umtylys pen joǵarǵy nátıjege qol jetkizý syndy mańyzdy qasıetterdi damytý, áskerı qyzmetshilerdiń dene daıarlyǵyn jetildirý bolyp tabylady.