Qazaqstannyń ǵaryshtan túsirilgen sýretteri jarııalandy

NUR-SULTAN. QazAqparat – Halyqaralyq ǵarysh stantsııasy Qazaqstan aýmaǵynyń ǵaryshtan túsirilgen sýretterin jarııalady, dep habarlaıdy QazAqparat ǵarysh stantsııasynyń Instagram jelisindegi resmı paraqshasyna silteme jasap.

«Qazaqstannyń ústinen 264 mıl qashyqtyqtan astam bıiktikte aınalatyn Halyqaralyq ǵarysh stantsııasynan túsirilgen kórinis», - delingen fotosýrettiń sıpattamasynda.

Aıta keteıik, Halyqaralyq ǵarysh stantsııasy (HǴS) — kóp maqsatty ǵaryshtyq zertteý kesheni retinde paıdalanylatyn basqarylatyn orbıtalyq stantsııa; 1998 jyldyń aıaǵynan bastap qazirgi ýaqytqa deıin qoldanylýda. HǴS-14 el Reseı, AQSh, Japonııa, Kanada jáne Eýropalyq ǵarysh agenttigine kiretin Belgııa, Germanııa, Danııa, Ispanııa, Italııa, Nıderlandy, Norvegııa, Frantsııa, Shveıtsarııa, Shvetsııa qatysatyn birlesken halyqaralyq joba.