Qazaqstannyń Elshisi Serbııa Prezıdentine senim gramotalaryn tapsyrdy

BELGRAD. QazAqparat – Belgradtaǵy Serbııa saraıynda Qazaqstan Elshisi Mádı Atamqulov Serbııanyń Prezıdenti Aleksandr Výchıchke senim gramotalaryn tapsyrdy, dep habarlaıdy QazAqparat QR SІM baspasóz qyzmetine silteme jasap.

Rásimnen keıin ótken eki jaqty kezdesý barysynda serb memleketiniń basshysy qazaqstandyq dıplomatty qyzmetke taǵaıyndalýymen quttyqtap, eki el arasyndaǵy qarym-qatynastyń joǵary deńgeıin atap ótti. Prezıdent A. Výchıch Belgrad pen Nur-Sultan arasyndaǵy dástúrli dostyq baılanystardy odan ári nyǵaıtýǵa daıyn ekenin bildirdi.

M. Atamqulov óz kezeginde Qazaqstan men Serbııa arasyndaǵy yntymaqtastyqty dáıekti túrde damytý nıeti týraly málimdedi.

Taraptar saıası, ekonomıkalyq jáne mádenı-gýmanıtarlyq salalardaǵy ózara is-qımyldyń joǵary áleýetin iske asyrý qajettiligi týraly, atap aıtqanda joǵary jáne joǵary deńgeıdegi ózara saparlardy, birlesken jobalar men bastamalardy uıymdastyrý jaıly ortaq pikirge keldi. Bul rette aǵymdaǵy jyly josparlanǵan is-sharalar eki mańyzdy oqıǵa – Qazaqstan men Serbııa arasyndaǵy dıplomatııalyq qatynastardyń ornaǵanynyń 25 jyldyǵy jáne Qazaqstan Respýblıkasy táýelsizdiginiń 30 jyldyǵy aıasynda ótedi.

Kezdesý sońynda A. Výchıch Elshige tabysty jáne jemisti jumys tilep, Qazaqstan Prezıdenti Qasym-Jomart Toqaev pen Qazaqstannyń Tuńǵysh Prezıdenti – Elbasy Nursultan Nazarbaevqa izgi tilekterin jetkizdi.