Qazaqstannyń Damý Bankiniń nesıelik saıasatyna ózgerister engizildi
QDB nesıe saıasaty týraly Memorandým 2016 jyldyń qazan aıynda bekitildi. Memorandýmǵa sáıkes, Bank qarjylandyrý «shegin» birneshe salalar boıynsha tómendetti. Atap aıtsaq, ınvestıtsııalyq jobalardy qarjylandyrý 30 mln AQSh dollarynan 7 mlrd teńgege deıin, tamaq ónerkásibi úshin - 10 mln AQSh dollarynan 3 mlrd teńgege deıin, eksporttyq operatsııalar úshin - 5 mln AQSh dollarynan 1 mlrd teńgege deıin tómendetti.
2016 jyldyń qorytyndysy boıynsha jalpy Bank 225 mlrd teńge qaryzdar somasyna 19 jobany qarjylandyrǵan bolatyn. Eseptik kezeńde tikeleı nesıeleý aıasynda Damý Banki jalpy 277,5 mlrd teńge somaǵa shıkizattyq emes salalar kásiporyndarynyń 14 ınvestıtsııalyq jobasy men 10 eksporttyq operatsııasyn qarjylandyrdy. Aıta keteıik, Jobalar men baǵdarlamalardy qarjylandyrýdyń jalpy kólemi 2016 jyly rekordtyq kórsetkishke jetti. Onyń jalpy quny 426 mlrd teńgeni qurady.
Sondaı-aq, ótken jyly Bank jalpy 277,5 mlrd teńge somaǵa 14 ınvestjobany jáne 10 eksporttyq operatsııany qarjylandyrdy. Jeńildikti avtonesıeleý baǵdarlamasy aıasynda QDB kommertsııalyq bankter arqyly 148,4 mlrd teńge somaǵa qaryzdar usyndy. Nesıe qorjyny 10,5%-ǵa 1,6 trln teńgege deıin ósti. Aýdıttelgen málimetterge sáıkes taza tabys 6,6 mlrd teńgeni qurady. Sońǵy 4 jylda aktıvter shamamen 2,5 esege ósti, bul kezeń tolyǵymen Bank úshin shyǵynsyz boldy.
Aıta keteıik, endi QDB-nyń https://www.kdb.kz saıtynda jobalardy qarjylandyrýdyń negizgi sharttary týraly aqparatpen, ıaǵnı joba somasy, merzimi, valıýtasy, syıaqy mólsherlemesi jáne qaryz alýshynyń ataýy degen málimetpen jáne jobalar boıynsha jalpy málimetpen tanysýǵa bolady. Sonymen qatar, aqparattyq ashyqtyqty arttyrý maqsatynda Bank ákimshiliktendirýi jáne qarjylandyrýyndaǵy jobalar týraly jalpyǵa qoljetimdi aqparat bazasyn keńeıtti.
«Báıterek» Holdınginiń negizi qalanǵannan beri sońǵy tórt jyl boıy QDB óńdeý ónerkásibi men ónerkásiptik ınfraqurylym jobalaryn nesıeleý boıynsha oń dınamıkalyq úrdisti saqtap keledi. 2016 jyldyń qorytyndysy boıynsha 2013 jyldyń kórsetkishimen salystyrǵanda nesıe kólemi 4 esege artty jáne 1,6 trln astam teńgeni qurady, al onyń aktıvterdegi úlesi byltyrǵy jyldyń qorytyndysy boıynsha 65,5% deıin ulǵaıdy. Sońǵy 4 jylda QDB aktıvteri shamamen 2,5 esege ósti, bul kezeń tolyǵymen Bank úshin shyǵynsyz boldy.
Sondaı-aq, 2017 jyldyń І toqsanynyń qorytyndysy boıynsha QDB qarjylandyrýǵa jalpy 15,4 mlrd teńge qaryz somasyna 3 jobany maquldaǵanyn aıta keteıik. Al tórt aıdyń qorytyndysy boıynsha, jalpy qaryzdar somasy 346 mlrd teńgege 6 jobany qoldady. Jalpy 2017 jyly Bank 350 mlrd teńgege jýyq somaǵa jobalardy nesıeleýdi júzege asyrýdy josparlaıdy. Aǵymdaǵy jyly QDB mashına jasaý, hımııa ónerkásibi, munaı hımııasy, metallýrgııa jáne qurylys materıaldary óndirisi sııaqty salalarda jalpy quny 759,6 mlrd teńge jáne qarjylandyrýdyń suralǵan somasy 312,6 mlrd teńge bolatyn túrli qaralý deńgeıindegi IIDMB aıasyndaǵy 12 áleýetti jobalardan quralǵan qorjyndy aıqyndady. 2017 jyly QDB qyzmetindegi basymdyqtardyń biri aldaǵy 2018 jyly HQES (IFRS) 9 engizýdi eskere otyryp, táýekel-menedjmentin odan ári jetildirý bolmaq.
2016 jyldyń qorytyndysy boıynsha, aýdıttelgen málimetterge sáıkes, taza paıda 6,6 mlrd teńgeni qurady.
