Qazaqstannyń Damý banki kvazımemlekettik jobalardyń úlesin azaıtpaq
«Qazaqstannyń damý banki 2023 jylǵa deıingi damý strategııasyn qaıta qarastyrýda. Strategııanyń jańartylǵan nusqasynda bank qoldaýyn keńeıtý josparlanýda. Mysaly sınıkattalǵan qarjylandyrý jáne basqa da nesıe quraldaryn engizý, sondaı-aq kvazımemlekettik jobalardyń úlesin azaıtýdy jáne jeke sektordaǵy kásipkerlikti qarjylaı qoldaýdy arttyrýdy josparlap otyrmyz. Jalpy jańartylǵan strategııamyz turaqty damýǵa, banktiń dıdjıtal mádenıetin damytýǵa, sondaı-aq negizgi qyzmetimiz ben nesıeleý quraldaryn jaqsartýǵa baǵytalady», - dedi «Qazaqstannyń Damý banki» AQ Basqarmasynyń tóraǵasy Abaı Sarqulov Ortalyq kommýnıkatsııalar qyzmetinde ótken baspasóz máslızatynda.
Onyń aıtýynsha bıyl banktiń qurylǵanyna 20 jyl tolady.
«Biz úshin bul ataýly oqıǵa. Osy jyldyń mamyryna qaraı 20 jyldyq jumysymyzdy qorytyndylap, sizdermen bólisemiz degen úmittemiz», - dedi ol.
