Qazaqstannyń áıelder quramasy túrik komandasyna 15 dop saldy

ASTANA. QazAqparat - Qazaqstannyń fýtboldan áıelder quramasy Túrkııanyń Belek qalasyndaǵy oqý-jattyǵý barysynda ekinshi baqylaý oıynyn ótkizdi, dep habarlaıdy QazAqparat QFF saıtyna silteme jasap.

Buǵan deıin josparlanǵan Reseıdiń 19 jasqa deıingi jasóspirimder quramasymen kezdesý ótkizilmedi. Aıtpaı Jamantaev jattyqtyratyn qurama «Antalııa Demırspor» túrik klýbymen joldastyq match ótkizip, 15:0 esebimen oısyrata utty. Bul oıynda Anastasııa Vlasova men Marııa Demıdova qarsylas qaqpasyna bes doptan soqsa, Araılym Orynbasarova het-trık jasady.

Nazerke Shalmuhambetova men Qundyz Kojahmet komandasyna bir upaıdan áperdi.

«Antalııa Demırspor» - Qazaqstan 0:15 (0:12)

Goldar: Orynbasarova 1, 5, 47, Vlasova 3, 7, 34, 48, 54, N.Shalmuhambetova 6, Demıdova 9, 21, 30, 45, 52, Qojahmet 12. 

2017. 16 jeltoqsan. Belek (Túrkııa). «Kaya Belek».