Qazaqstannyń áskerı medıtsınasy jańa deńgeıge shyǵyp keledi (FOTO)
Bul týraly QR Qorǵanys mınıstrliginiń baspasóz qyzmetinen habarlady.
Sala úshin joǵary bilikti kadrlardy daıyndaý, áskerı-medıtsınalyq mekemelerdiń materıaldyq-tehnıkalyq bazasyn jetildirý jáne áskerı qyzmetshilerdi joǵary sapada emdeý sony rastaıdy. «Kún saıyn áskerı gospıtaldiń LOR bólimshesine 35-40 adam keledi. Ol qazirgi kezde gospıtaldiń ózge bólimshelerinde statsıonarlyq emdeýde jatqan áskerı qyzmetshiler. Biz tekserý, aýrý-syrqaýdyń dıagnostıkasyn júrgizemiz. Eger kórsetilimderi bolsa, onda syrqattanýshy bizdiń bólimshede biryńǵaı em-dom ala alady. Bul áskerı qyzmetshini emdep jazyp, onyń jyldamyraq saýyǵyp ketýi úshin jasalady», - deıdi QR QM Bas áskerı klınıkalyq gospıtali LOR bólimshesiniń bastyǵy medıtsınalyq qyzmetiniń polkovnıgi Bek Múńkibaev.
Jyl saıyn osy bólimsheden shamamen 500 adamdy emdep shyǵarady. Áskerı LOR dárigerler muryn qalqasynyń qısaıýyn túzetý, isikti, polıpterdi joıý boıynsha otany jıi jasaıdy. Bul syrqaýlar áskerı qyzmetshilerde jıi bolyp turady, bul áskerı qyzmettiń ereksheligi bolyp keledi. Aýrý-syrqaýdyń sebepteri oqý-jattyǵýlarmen baılanysty jaraqat bolýy múmkin. QR QM Bas áskerı klınıkalyq gospıtaline emdelýge áskerı qyzmetshiler Qazaqstannyń túkpir-túkpirinen keledi. Polkovnık Dmıtrıı Tarakanov Aqtóbeden murynmen tynys alýy qıyndatylǵan shaǵymymen kelgen.
«Men Astanadaǵy gsopıtalge keldim, sebebi, Aqtóbe gospıtalinde osy operatsııa júrgizilmeıdi. Pogon taqqan, áskerı dárigerlerge, áskerı mamandarǵa kóbirek senim bildiremin. Qazir ota aldyndaǵy tekserýden ótip júrmin, taldaý tapsyryp, otaǵa daıyndalýdamyn». Odan basqa, áskerı dárigerlerdiń aıtýynsha, qazaqstandyq armııa áskerı qyzmetshileriniń densaýlyqtarynyń ózgerý serpini anaǵurlym jaqsy jaǵyna ózgerip keledi. «Sońǵy 6-7 jyl ishinde asqazan-ishek joldary boıynsha áskerı qyzmetshilerdiń densaýlyǵy birshama jaqsardy. Áskerı qyzmetshilerdiń dıspanserge jatýy jaqsy júrip jatyr. 2008-2009 jyldary bizde bir kúnde asqazan bezi, 12 qos ishektiń bezi sııaqty 2-3 osyndaı dıagnoz bolatyn. Búgingi kúni áskerı qyzmetshiler mundaı bezge aptasyna 2-3 ret shaldyǵady. Alaıda, jumysymyz azaıar emes, úshqyshtarymyz dıspanserleýden, tereńdetilgen medıtsınalyq tekserýden, áskerı ushý komıssııasynan ótedi», - deıdi QR QM Bas áskerı klınıkalyq gospıtali endoskopııa bólimshesiniń bastyǵy medıtsınalyq qyzmetiniń podpolkovnıgi Dáýrenbek Baıjumanov.
Áskerı dárigerler zamanaýı medıtsınamen birge qadam basyp keledi, gospıtaldiń operatsııa jasaý blogynda turaqty negizde eń joǵary standarttarǵa saı keletin medıtsınalyq jabdyqty qoldana otyryp, operatsııalar ótkiziledi, al zamanaýı apparatýra áskerı qyzmetshiler men olardyń otbasy múshelerine medıtsınalyq kómek kórsetý sapasyn ári qaraı arttyrýǵa yqpal etedi. «Ozyq hırýrgııalyq tehnologııalar, onyń ishinde hırýrgııalyq operatsııalardy jasaýdyń shaǵyn jaraǵa ákeletin ádistemeleri dástúrli qol suǵýshylyqty aýystyryp jáne kóptegen stereotıpterdi buza otyryp, áskerı medıtsınada qarqyndy damıtynyna tıtteı de shúbá keltirmeımiz», - dedi gospıtal bastyǵynyń (ǵylymı-hırýrgııalyq jumys jónindegi) orynbasary - QR QM Bas áskerı klınıkalyq gospıtaliniń jetekshi hırýrgi medıtsınalyq qyzmetiniń podpolkovnıgi Erjan Symaıyl.