Qazaqstannyń altyn-valıýta rezervi 32,8 mlrd AQSh dollaryna jetti
«Aldyn ala derekter boıynsha shildeniń sońynda altyn-valıýta aktıvteriniń kólemi bir aıda 835 mln AQSh dollaryna artyp, 32,8 mlrd AQSh dollaryn qurady. Shildede ekinshi deńgeıli bankterdiń Ulttyq banktegi korrespondenttik shottarynyń ulǵaıýy esebinen altyn-valıýta rezerviniń valıýta bóligi óskenin baıqadyq. Bul AVR ósýiniń negizgi faktory boldy. Altyn baǵasy bul áserdi ishinara rettedi – baǵaly metall 1814-ten 1759 dollar/ýntsııaǵa deıin 3 paıyzǵa tómendeýine baılanysty «altyn» portfeli tómendedi», - dedi Álııa Moldabekova.
Ulttyq bank tóraǵasynyń orynbasary bir aıda altynǵa baǵa belgileý 1687 dollar/ýntsııa mánine jetkenin atap ótedi.
«Biz altyndy geosaıası jáne makroekonomıkalyq táýekelderdiń shıelenisýinen týyndaǵan jahandyq ınvestorlardyń táýekel-sentımenti nasharlaǵan kezde suranysty aıtarlyqtaı ósire túsetin qorǵanys aktıvi retinde qabyldaýǵa úırenip qalǵanbyz. Alaıda, qazirgi ýaqytta altyn álemdik ınflıatsııanyń údeýi aıasynda keıbir ortalyq bankterdiń aqsha-kredıt saıasatyn qataıtýy sııaqty birqatar mańyzdy faktorlardyń qysymyna ushyrady», - dedi ol.
Ashyq kózderden alynǵan foto
