Qazaqstannyń 5 óńirinde esirtki satý jelisi joıyldy - ІІM
ІІM Esirtki qylmysyna qarsy is-qımyl departamenti bes óńir men arnaıy bólimshe polıtseıleriniń qatysýymen aýqymdy arnaıy operatsııa ótkizdi. Nátıjesinde esirtkini kóterme taratýshylar jelisi joıyldy, zańsyz bızneske qatysqan 10 adam ustaldy.
ІІM Esirtki qylmysyna qarsy is-qımyl departamentiniń bastyǵy Erlan Omarbekov túsindirgendeı, qylmystyq top qarasha aıynyń basynda kózge túsken. Reseıden kelgen fıgýranttardyń birine júk tasymaly arqyly esirtki óndirisi úshin paıdalanylýy múmkin prekýrsorlar berilgeni anyqtaldy. Tapsyrý kezinde qylmystyq toptyń eki qatysýshysy júkti qabyldaǵan adam jáne júk tasymaldaý qujattary resimdelgen adam anyqtaldy.
Ári qaraı olardy baqylaý táýlik boıy júrgizildi. Úsh kúnnen keıin qylmyskerlerdiń biri elordadan Pavlodar qalasyna taksımen shyqqan. Jol boıynda qalaǵa 40 shaqyrym jetpeı, jol boıyndaǵy orman beldeýine esirtki jasyryp, Kókshetaý qalasyna jol tartqan. 10 mınýttan keıin toptyń úshinshi múshesi esirtki jasyrylǵan jerge kelip, esirtkini alǵan. Pavlodarǵa qaraı bettep, keıinnen sol óńirlik polıtseılermen ustalǵan. Bul buryn sotty bolǵan, jergilikti turǵyn bolyp shyqty, onyń jalpy salmaǵy 324 gramm bolatyn mefedronnyń eki paketi tárkilendi. Ustalǵan adamnyń barsetinen esirtki zatynyń 30 bir rettik dozasy bar taǵy bir túıinshek tabyldy. Páterdi tintý kezinde esirtki salýǵa arnalǵan quraldar men zattar, jazbalary bar dápter paraǵy tárkilendi. Sol kúni birinshi fıgýrant Kókshetaý qalasynda syrt jerde taǵy bir orynǵa esirtki jasyryp, qaldyryp, elordaǵa oralǵan. Ári qaraı oqıǵalar tez damydy. Sol kúni keshke Kókshetaý qalasynda jasyrylǵan esirtkini alyp ketýge tyrysqan jergilikti turǵyn ustaldy. Ustaý barysynda 130 gramnan astam sıntetıkalyq mefedron esirtkisi tárkilendi. Ustalǵan azamattyń páterinde tintý barysynda bir rettik mólsher boıynsha ólshep oralǵan osy zattyń taǵy 15 gramy, marıhýana, tarazy jáne esirtki jasyrýda paıdalanylatyn basqa da zattar tárkilendi. Kelesi kúni Pavlodar qalasynda taǵy eki jigit pen eki qyz ustaldy. Olardyń bireýin jeke tintý kezinde 400 gramm mefedron salynǵan paket tárkilendi. Qyzdardyń birinen alynǵan telefonnan elordalyq esirtkiniń negizgi jetkizýshisimen esirtki alǵany jáne onyń salmaǵy týraly hat-habar almasýy tabyldy. Sol kúni ІІM Esirtki qylmysyna qarsy is-qımyl departamentiniń qyzmetkerleri men Aqmola oblysy PD áriptesteri Nur-Sultan-Şýchınsk tas jolyndaǵy jol boıyndaǵy dámhananyń janyna Ózbekstannyń týmasy, taǵy bir esirtki jasyrýshy anyqtaldy. Ustaý barysynda jasyrynýǵa tyrysqan kezde ІІM arnaıy jasaǵynyń jaýyngerlerimen ustady. Onyń kóligin tintý kezinde salmaǵy 500 gramm mefedron salynǵan túıinshek tárkilendi. Ustalǵan azamat onyń «qorjynynda» Pavlodar, Almaty, Ekibastuz qalalarynda esirtki jasyrǵanyn aıtty.
Qazir ol kezekti iri mefedron partııasymen Petropavl qalasyna barmaqshy bolǵan. Osylaısha, taǵy úsh qylmysker anyqtaldy. 20 qarashada Petropavl qalasynda soltústikqazaqstandyq polıtseıler jaldamaly páterde olardy ustady. Anyqtalǵandaı, barlyǵy oblys ortalyǵyna esirtkiniń taratý úshin maqsatty túrde kelgen. Jaldamaly páterde tintý júrgizildi. Qaraý barysynda esirtkini usaq partııalarǵa býyp-túıý osy jerde júzege asyrylǵanyn kórsetti: bólmede ızolenta qıyqtary, býyp-túıý materıaldarynyń qaldyqtary, jıhazdyń shyny betterine esirtkiniń izderi shashyraǵan. Ár túrli jasyrylǵan jerlerde mefedronnyń bir rettik dozasy bar 165 túıinshek, 450 gramm alfa-PVP jáne 300 gramm mefedron tabyldy. Tergeý áreketterin júrgizý kezinde qalada jalpy salmaǵy 200 gramm bolatyn mefedronnyń taǵy 6 jayrylǵan jeri tabylyp, tárkilendi. Qylmyskerlerden barlyǵy 2,5 keli jýyq sıntetıkalyq esirtki alyndy.
Erlan Omarbekov tolyqtyrǵanyndaı, barlyq ustalǵandar qamaýǵa alyndy jáne olarǵa qatysty QR Qylmystyq Kodekstiń 297-baby 3-bóligi (Esirtki zattaryn ótkizý maqsatynda zańsyz ıemdený, saqtaý, tasymaldaý ne adamdar tobynyń aldyn ala sóz baılasýy boıynsha, asa iri mólsherde, elektrondyq aqparattyq resýrstardy paıdalaný arqyly ótkizý) boıynsha qylmystyq ister qozǵaldy. Eger sotqa deıingi is júrgizý barysynda barlyq qylmyskerlerdiń uıymdasqan qylmystyq toptyń músheleri ekendigi dáleldense, ustalǵandarǵa on bes jyldan jıyrma jylǵa deıingi merzimge bas bostandyǵynan aıyrý ne múlki tárkilenip, ómir boıy bas bostandyǵynan aıyrý qaýpi tónetin bolady.
